Abemkhumbi eNingizimu Afrika bathole umkhumbi wabahloli bamazwe owashawa iqhwa wacwila ngase-South Pole eminyakeni engu-107 edlule.
Umkhumbi, i-Endurance, wawungokaputeni ongumholi odumile wamazwe wase-Britain, uSir Ernest Shackleton, owahlulwa emjahweni ngonyaka ka-1911 ukuze abe ngowesilisa wokuqala ukufika e-South Pole.
I-South Pole iyindawo eseningizimu ekujuleni komhlaba.
Ngenyanga edlule, i-SA Agulhas II, yahamba yayocwaninga ezindaweni, yasuka yayobheka umkhumbi owalahleka ogwini lwase-Antarctica ngonyaka ka-1915.
I-Endurance yatholakala ekujuleni kwamamitha angu-3,008 oLwandle lwase-Weddel.
“Ngaphandle kwehaba lokhu kuphahlazeka kwawo kuhlukile kakhulu,” kusho i-Marine archaeologist uMensun Bound, oyilungu lohambo lokuthola izinto manje osefeze iphupho lakhe.
“Kuhlukile indlela ulwandle olunje ngayo, nangesimo salo,” etshela i-BBC.
.
