Kutholwe izidumbu zabaphuma emazweni angaphandle

Izidumbu zabantu abangu-27 okusolakala ukuthi badabuka e-Ethiopia nokuthi bebelibangise kuleli zitholwe eceleni komgwaqo endaweni yase-Ngwerere e-Lusaka, e-Zambia.

Okhulumela amaphoyisa uDanny Mwale utshele i-BBC ukuthi kungenzeka laba balisa baphelelwe umoya bashona ngesikhathi besendleleni, kanti oyedwa osindile utholakale esezophelelwe umoya ngeSonto ekuseni.

La madoda atholakale nezincwadi zase-Ethiopia.

“Uphenyo lwethu lokuqala lukhomba ukuthi isibalo sabantu abangu-28, bonke abesilisa abaneminyaka ephakathi kwengu-20 kuya kwengu-38 balahlwe ngabantu abangaziwa e-Meanwood Nkhosi eduze nomgwaqo u-Chiminuka endaweni yase-Ngwerere,” kusho isitatimende samaphoyisa.

Izidumbu ziyiswe emakhazeni ase-Zambia.

NgoMfumfu kutholakale amadoda angu-25 engcwatshwe ethuneni elilodwa e-Malawi. Kuboshwe usingandodana kalowo owayenguMengameli uPeter Mutharika mayelana nokutholwa kwalezo zidumbu.

Izidumbu bekungezabafana nabesilisa okukholakala ukuthi badabuka e-Ethiopia nokuthi bebeshushumbiselwa kuleli.

Luhlanganiswe nguKamogelo Olaitan

Izihloko zakamuva