Dylan Bettencourt
Iqembu lama-archeologists elalisebenza enkabeni yedolobha yase-Egypt lidalule amabhokisi amaningi namathuna asendulo nezinto zawo ezinobuciko obabuyigugu kubo.
Okutholwe emathuneni ase-Saqqara kunezithombe zoNkulunkulu u-Anubis, u-Amun, uMin, u-Osiris, u-Isis, uNefertum, uBastet noHathor kanye nesithombe esingenakhanda sikamakhi u-Imhotep owakha umbhoshongo we-Saqqara, uMnyango Wezokuvakasha Nezinto Zasendulo e-Egypt. Lokhu kutholakale ngoMsombuluko.
“Amabhokisi omngcwabo angu-250, izithombe zethusi ezingu-150 nezinye izinto zasendulo cishe ngo-500 BC,” ngokusho kwesonto litshela i-Reuters.
Amabhokisi okhuni apendwe kahle atholakale esesimweni esihle ngaphakathi kwemigodi yokungcwaba equkethe izidumbu, iziphandla kanye namabhokisi akhiwe ngezinkuni.
Amabhokisi amaningana ayephelezelwa insimbi yomculo neqoqo lezitsha zethusi ezazisetshenziselwa ukukhulekela uNkulunkulu wabo u-Isis.
Elinye ibhokisi linemibhalo eqoshiwe okukholelwa ukuthi amavesi eNcwadi Yabafileyo kanti lithunyelwe e-Lab e-Egypt ukuze liyohlolwa.
Kumbulwe elinye ibhokisi elinezinto zasebusweni elihlanganisa nezasesandleni kanye namacici amaningi.
Okutholwe iqembu lama-archeologists ase-Egypt kuzothunyelwa kwisigcina magugu esikhulu sase-Egypt eduze kwama-Pyramids amakhulu ase-Giza ehlelelwe ukuvulwa kulo nyaka.
Isifunda sase-Saqqara eningizimu ye-Giza pyramid sibonise ukutholakala kwezinto zasendulo eziningi.
Ama-archeologists aqale ukumba kule ndawo eminyakeni emine edlule ngo-2018.
Umthombo wesithombe :@EgyptIndependent