Lubhalwe nguCelani Sikhakhane
USomlomo kamasipala wakwaNongoma kuthiwa wathatha ngisho umgwazo wemali engu-R1000 yize ehola isamba sika-R36 000 ngenyanga.
UNkk Babongile Sithole kaKhongolose uyingxenye yabasolwa emacaleni enkohlakalo okuthiwa acishe awuqumba phansi uNongoma.
UNkk Sithole ungaphandle ngebheyili ka-R5000 benephini leMeya yakhona kwaNongoma okunguMnuz Sabelo Nkosi.
Ezinye izinsolo ezokuthi uNkk Sithole uke wathola umgwazo ka-R105 000 kuMnuz Khulekani Manqele obeyisikhulu ophikweni olukhipha amathenda.
Ngaphandle kwalokho useke wazama nokubiza imihlangano yomkhandlu esejele eShowe nokuyilapho ebetoke khona.
Kodwa kuthe ngoMsombuluko wabhalela amakhansela ewazisa ukuthi umhlangano awusekho.
Isizathu sokuba uNkk Sithole ahlehlise umhlangano kuvela ukuthi eminye imibandela yebheyili eyokuthi angasondeli nhlobo kwamasipala ngoba kuseyisizinda sesehlakalo sobugebengu.
UMeya uClifford Ndabandaba yena usagqunywe esitokisini eQalakabusha eMpangeni.
Laba baboshwe ngamacala enkohlakalo besemhlanganweni womkhandlu ngezinsolo zenkohlakalo.