Kushone abagibeli ababili ezigamekweni ezehlukene ngoMgqibelo ezikhumulweni zezindiza i-OR Tambo eGoli naseThekwini e-King Shaka International Airport.
Ngokusho kwe-Airports Company of South Africa (ACSA), isehlakalo sokuqala senzeke ngesikhathi umgibeli ewa esuka esitezi sesihlanu ewela phansi esikhumulweni sezindiza i-OR Tambo International.
Abezimo eziphuthumayo babike ukuthi lo mgibeli ushoneleendaweni yesigameko.
Esehlakalweni sesibili umgibeli uwe wadindiliza esikhumulwenisezindiza i-King Shaka International Airport eThekwini washona ngemuva kwesikhashana.
Okhulumela i-ACSA u-Ernest Mulibana ukuqinisekisile ukuthi amaphoyisa awengamele womabili amacala, kwavulwa nedokodo lophenyo ukuze kuqhutshekwe ukuze kutholakale imbangela.
“Njenge-ACSA, sithanda ukudlulisa amazwi enduduzo emindenini nakubathandiweyo babo bobabili abagibeli ngalesi sikhathi esinzima,” kusho uMulibana.
Imbangela yokushona kwabagibeli kuzo zombili izigameko ayikakaziwa.
Lubhalwe ngumbhali we-Stuff
Isithombe ngenhla: Isikhumulo sezindiza i-King Shaka eThekwini, KwaZulu-Natal.
Umthombo: X