Lubhalwe ngu-Everson Luhanga
Kushone abantu abayisishiyagalombili engozini enyantisayo ebandakanya ibhasi neloli ku-R555 phakathi kwaseLavino neTubatse kumasipala waseFetakgomo Tubatse eLimpopo ngoLwesine ekuseni.
Iziphathimandla zomgwaqo eLimpopo zithe ibhasi belihamba ngesivinini esiphezulu laphaphalaza lashayisa iloli ebelithwele abasebenzi basemayini iMototolo.
Abasebenzi bachithwe yiloli basakazeka emgwaqeni. Akukacaci ukuthi ngabe kukhona yini abagibeli abebesebhasini abalimele.
Abantu abayisishiyagalombili kuqinisekiswe ukuthi bashonile endaweni yesigameko kwathi ababili balimala kanzima abayisithupha bathola imihuzukwana.
Akukaboshwa muntu.
Isithombe esingenhla: Indawo lapho kushone khona abasebenzi basezimayini abayisishiyagalombili.
Umthombo wesithombe: Sithunyelwe