Kuqhamuke ingwenya esibhedlela sase-Zimbabwe ngesikhathi samahora okuvakasha

Joseph Chirume

Babiza uMengameli wase-Zimbabwe uEmmerson Mnangagwa ngengwenya kodwa bekuyilungu elihlukile lolunye uhlobo olungene esibhedlela e-Zimbabwe ngoMsombuluko.

Iziguli zase-Chiredzi General Hospital zibambe ongezansi ngesikhathi kuvela ingwenya enkulu ephaseji.

Ingwenya iqoshwe kwividiyo esebalale ezindaweni eziningi. Ibonakale ingena ewadini ngesikathi amazwi amangele ephikisana ukuthi enzeni ngayo.

Kuzwakale izwi lowesilisa lithi: “Ingwenya inamandla uma isemanzini. Noma ungasondela (uma isemhlabathini owomile) ngeke ikulimaze.” 

Akekho kodwa owafuna ukuhlola lowo mbono.

I-Zimbabwe inengqalasizinda yezempilo embi kakhulu nezinsizakalo zezibhedlela ezihlupheka kakhulu eNingizimu yeAfrika ngemuva kweminyaka inganakwa kanye nenkohlakalo.

I-Chiredzi yidolobha elikhiqiza ushukela womhlaba wonke futhi linemigwaqo eminingi eyenzelwe ukunisela isitshalo esimnandi – okuyindawo efanele yengwenya.

USobaa Ncube, isakhamuzi sase-Chiredzi sithe: “Kukhona umzila wendle oholela emfuleni i-Chiredzi kanti uma lina, izingwenya ziyabonakala nxazonke ngoba zilandela lowo mfula.”

Enye indoda nje enguTalent Tawengwa, isho ngokuncokola yathi: “Umnikazi wayo ula esibhedlela ngakho ize ukuzombona.”

ULeo Dzingai wengeze wathi: “Ibifuna ukwelashelwa i-Covid-19.”

Picture source: @CrocodileDaily