Ezemidlalo: IKaizer Chiefs ayizange ibe nemiphumela emihle ngaphambi kwesizini, okuyinto efanele ikhathaze abalandeli bayo kanye nomqeqeshi omusha, kubhala uMichael Madyira.
IKaizer Chiefs ibe nekhempu ethule, neyimfihlo yokulungiselela isizini e-Turkey, kodwa manje sekumele ibange umsindo izibonakalise.
Badlale imidlalo yobungani embalwa kanye nemidlalo emibili bebhekene ne-Al Shahania kanye ne-Dibba Al Hisn ngemuva kweminyango evaliwe.
Ishaye i-Al Shahania ngo 5-2, uRanga Chivaviro eshaya amagoli amane, yadlala ngokulingana ngo 0-0 ne-Al Hisn.
Umphakathi uqale ukukubona obekwenziwa yiChiefs ngesikhathi itholana phezulu nezinkunzi zase-Tanzania i-Young Africans kowe-Toyota Cup e-Bloemfontein.
Leli bekuyithuba lokuqala kubalandeli beChiefs nabanye ukubona inqubekela phambili yeqembu labo.
I-Yanga iwine ngo 4-0 okushiye abalandeli beChiefs bekhathazekile ngesizini ezayo.
Amaphutha okuvikela abehlupha iChiefs kumasizini adlule aphinde avela.
Lokhu akuvezanga ukuzethemba ukuthi umqeqeshi omusha uNasredinne Nabi usezilungisile izinkinga zabo zokuvikela.
Imiphumela yomdlalo wobungani ngokuvamile ayisho lukhulu, kodwa ingaveza lukhulu ngokuthi yini ezayo.
Amagoli amane kaChivaviro edlala ne-Al Shahania abethembisa, nakuba engazange ashaye igoli kweminye imidlalo emibili, okuqubule imibuzo ngabanye abadlali beChiefs.
Abalandeli abakhathazekile ngokuvikela okubuthakathaka kweqembu bangase bathole ithemba ekuzimiseleni kukaChivaviro e-Turkey.
Kusenjalo, abalandeli be-PSL basale bezibuza ukuthi ngabe iChiefs izoba nokuvikela okuntekenteke noma izokhuphula izinga, ikakhulukazi uma kukhona omunye umgadli ozokweseka uChivaviro.
Esithombeni ngenhla: Umgadli weKaizer Chiefs uRanga Chivaviro ezungezwe abadlali beYoung Africans.
Umthombo: Kaizer Chiefs