Lubhalwe nguRorisang Modiba
Kuzoba namakhaza ashubisa umnkantsha kushisa kuze kube uLwesine, njengoba kunesibikezelo seqhwa e-Eastern Cape, eLesotho naKwaZulu-Natal.
Ochwepheshe baxwayisa ngokuvalwa kwemigwaqo nokunqanyulwa kukagesi njengoba iqhwa liqhubeka ezindaweni eziphakeme.
Amakhaza okuqala asedlulile, kodwa isimo sezulu esibandayo asikapheli. Amakhaza ashubisa umnkantsha kanye neqhwa elikhulu kusendleleni.
I-South African Weather Service ikuqinisekisile ukuthi likhithike kakhulu ngempelasonto e-Western Cape, e-Northern Cape nase-Eastern Cape. Isimo sezulu esibandayo esihambisana nokukhithika sivale imigwaqo esezintabeni futhi saphazamisa nokuhamba ezindaweni zasemaphandleni.
Isangoma sezulu uLehlohonolo Thobela utshele i-eNCA ukuthi izwe lizobhekana namakhaza, njengoba amazinga okushisa ephansi futhi kulindeleke ukuthi aqhubeke kuze kube uLwesine. Uthe kungase kufudumale kancane ngemuva kwalezi zinsuku.
E-Eastern Cape nasezingxenyeni ezithile zaKwaZulu-Natal kulindeleke ukuthi kube neqhwa kuleli sonto. Ukuvalwa kwemigwaqo, ukunqanyulwa kukagesi nezingozi yikona okulindelekile. Iziphathimandla zixwayise abazohamba ukuthi bagweme izindawo eziphakeme lapho izimo ziyingozi kakhulu.
Isangoma sezulu sase-Vox u-Annette Botha uthe izingxenye ezithile zase-Free State nase-North West sezike zaba nemvula ehambisana neqhwa, futhi kubikezelwa ukuthi likhithike ngokunamandla ezintabeni eziseduze ne-Barkly East, i-southern Drakensberg neLesotho. Ezinye izindawo ezisezintabeni zingabhekana neqhwa elingaphezu kwengxenye yemitha.
Kulindeleke ukuthi i-Gauteng ihlale yomile okwamanje, kodwa ongoti besimo sezulu bathi maningi amathuba okuthi kune imvula ehambisana neqhwa eGoli namaphethelo. EPitoli, akulindelekile ukuthi likhithike, kodwa ukuduma kwezulu ebusuku kuyabikezelwa.
Isazi sezulu uLiesl Dyson uthe amazinga okushisa angehla kakhulu ebusuku abe ngaphansi kuka-zero ezindaweni eziphakeme zase-Gauteng, mancane amathuba eqhwa e-Witwatersrand.
Izazi zezulu zithi lokhu kungenzeka ukuthi kuyisiqalo sobusika obude nobunzima. Kulindeleke ukubanda okuthe xaxa emasontweni ezayo, kanti izimo kulindeleke ukuthi zihlale zinzima ezweni lonke.
Esithombeni esingenhla: Indawo eba sayo.
Umthombo wesithombe: Ifayela