Lubhalwe nguLucky Maree
Ama-Stormers abuye nomdlandla ngesikhathi esifanele. Ama-Sevens ilona iqembu elingcono kakhulu kulezi zinyanga kanti le kungase kube yimpelasonto eshisayo kubathandi bezemidlalo kuleli.
➤ Naphezu kwamaphutha amakhulu okwahlulela i-Western Province Rugby eshiye inkundla yaseKapa inesiphithiphithi, le mpelasonto izobe inkulu kuma-Stormers enabalandeli abangu-40,000+ abazothamela umdlalo.
Amaqembu amathathu ase-Ireland azoqhudelana kowandulela owamanqamu we-United Rugby Championships, kodwa iqembu lesine i-Stormers okungenzeka liwunqobe lomqhudelwano lisegiyeni eliphezulu futhi lizimisele ukudlala umdlalo wempilo yabo.
UWillemse, uDavids, uNel, uDu Plessis, uZas, uLibbok, uJantjies nabanye kuzofanele benze umlingo wabo ngemuva. UKitshoff, uDweba, uMalherbe, u-Orie, uRoos nabo kuzofanele badlale kanzima phambili.
Lo mdlalo uzodlala bukhoma ngehora lesine ntambama ngoMgqibelo ku-DStv 201.
➤ Umqeqeshi uSandile Ngcobo kumele afake abadlali bangempela abazofaka i-Blitzboks kowandulela owamanqamu noma abazokwenza kangcono kumqhudelwano wama-sevens we-HSBC, e-Toulouse mhlawumbe umqhudelwano obaluleke kakhulu ngaphambi kwama-Olympics.
Amagama afana noJustin Geduld, uDewald Human, uRonald Brown, uShilton van Wyk noJames Murphy bonke bangabadlali abaziwayo abazophinde babe eqenjini lama-Blitzboks okuzojabulisa abalandeli kuthuse izimbangi zabo.
Ungalenzi iphutha, kuzoba uhambo olunzima kuma-Blitzboks. Njengeqembu elihlezi endaweni yesikhombisa, bazodlala ne-France (2.30pm), I-Fiji (9.03 pm) ngoLwesihlanu kanye ne-USA (1.40pm) ngoMgqibelo. Bazodlala ku-DStv channel 211.
➤ Wonke amaqembu ayisishiyagalombili e-Currie Cup azobe edlala ngempelasonto, kodwa okumele ubukwe kakhulu umdlalo wama-Pumas ebhekene nama-Sharks ngoLwesihlanu ngo-5.05 ntambama e-Nelspruit. Womabili amaqembu anokuthile okumele akwenze. Lindela umdlalo webhola lombhoxo oshubile ozovela ku-DStv 20.
➤ Njengoba kusele imizuliswano emithathu nje kuphela yebhola lezinyawo le-English Premier League kule sizini,ukungenela umqhudelwano kuyaqhubeka kubo bonke abaqhudelana nesicoco kanye nalabo abalwela ukusinda.
Emdlalweni wangoMgqibelo, i-Leeds United izimisele ukubhekana ne-Newcastle United enethemba lokuqeda kwi-Champions League.
I-Tottenham Hotspur izovakashela i-Aston Villa njengoba i-Manchester United izokwamukela ama-Wolves. I-Southampton ingabona isiphetho sayo uma ihluleka ukushaya i-Fulham emdlalweni wakamuva.
NgeSonto, umdlalo wesicoco ulindele umfutho we-Manchester City kanti ompetha bazovakashela e-Everton ngaphambi kokuthi ama-Gunners amukele ama-Brighton emdlalweni oshisa izikhotha we-Emirates.
I-Liverpool izowathanda amathuba ayo angaphandle okuqeda kuhlu lwamaqembu amane uma isibhekana ne-Leicester e-King Power ngoMsombuluko ebusuku.
Yonke le midlalo izoba bukhoma ku-DStv channel 203.
➤ I-Indian Premier League iyaqhubeka nokuhlangana kule mpelasonto.
NgoLwesihlanu, ompetha i-Gujarat Titans bazovakashela iqembu eliphumelele kakhulu emlandweni i-Mubai Indians.
NgoMgqibelo nangeSonto sizobona kushuba kumaqembu aqokwe emdlalweni ye-royal derby njengoba i-Rajasthan Royals izokwamukela i-Royal Challengers Bangalore ngehora lesine ntambama ngeSonto.
Yonke imidlalo ye-IPL izosakazwa bukhoma ku-SuperSport DStv esiteshini u-201 no-212.
Amazwibela: Ama-Stormers abebhekene nama-Bulls ngempelasonto edlule
Isithombe: Ama-Stormers ku-Twitter