Lubhalwe nguRazeen Gutta
Kuthiwa ukungenzi kahle kuka-Antonio Conte ngemuva kokudlala ngokulingana kwe-Tottenham Hotspur ngo 3-3 ibhekene ne-Southampton kushiye abadlali belindele ukuthi ijazi ligcwale umoya kumqeqeshi wabo wase-Italy.
Leli qembu lase-North London lihlulwe ngo 3-1 libhekene ne-Saints esemsileni ngoMgqibelo, kanti umqeqeshi wayo akagculisekile ngokudlala kwabadlali bakhe.
Njengendoda eyaqeqesha amaqembu afana ne-Juventus, i-Chelsea kanye ne-Inter Milan ngesikhathi ewina isicoco, kuye kwathusa abaningi ngesikhathi bembona ehlukanisa i-Spurs ememezela esidlangalaleni isiko lokungahloniphi leli qembu futhi ethi abadlali “banobugovu.”
“Isikhathi esifanele sokukhuluma ngoba ngicabanga ukuthi ngemuva kwalo mdlalo kimina akwamukelekile,” kusho uConte esithangamini nabezindaba ngemuva komdlalo.
“Ngibona abadlali abanobugovu, ngibona abadlali abangafuni ukusizana nabangafuni ukunikela ngakho konke. Indaba ye-Tottenham yilena. Iminyaka engamashumi amabili kukhona umnikazi futhi abakaze bawine lutho.
“Ngobani? Kuyingoba sebejwayele lapha. Abadlaleli into ebalulekile. Abafuni ukudlala ngaphansi kwengcindezi futhi abafuni ukudlala bekhathazekile. Kulula ngale ndlela.
“Indawo yesikhombisa, yesishiyagalombili, neyeshumi? Angikasijwayeli lesi sikhundla. Ngicasukile ngempela futhi wonke umuntu kufanele amukele umthwalo wakhe.”
Naphezu kokucasuka kwakhe kanye nomphumela wakamuva, i-Tottenham iya ekhefini lamazwe ngamazwe isendaweni yesine, kanti kusamele izimisele njengoba izolwela ukuqeda emaqenjini amane ahamba phambili.
Banamaphuzu amabili kuphela ngaphambi kwe-Newcastle United njengoba sebedlale imidlalo emibili ngaphezulu, kanti i-Liverpool ne-Brighton basele ngamaphuzu ayisikhombisa futhi banemidlalo okusamele beyidlale neqembu likaConte.
Esithombeni esingenhla: U-Antonio Conte
Umthombo wesithombe: @fabrizioromano