Lubhalwe ngu-Everson Luhanga
Silandele udaba ngenhlekelele ka-Amina Mavuka owazibulala ngokuzidlisa ushevu yena nezingane zakhe ezimbili ngesonto eledlule.
Umfowabo ka-Amina, uTatenda Mavuka uthe ngemuva kwenkonzo yesikhumbuzo yangoLwesithathu ka-Amina (31), nezingane zakhe ezimbili ebineminyaka engu-10 nebineminyaka emihlanu ubudala, isidumbu sika-Adeize obeneminyaka emihlanu besifakwe kwi-Quantum ebisetshenziswa njengemoto yezidumbu ukuze ithuthe isidumbu sakhe kanye nezihlobo e-Zimbabwe.
Kodwa uthe itekisi ebithwele isidumbu sika-Adeize imiswe ku-N1 North, umshayeli waphoqwa ngesibhamu ukuba afake isidumbu kwenye imoto.
UTatenda uthe imoto ijahiwe kanti ibigijima ngesivinini esikhulu yavinjwa amaphoyisa phambi komngcele e-Beitbridge.
Amaphoyisa abikelwe ukuthi isidumbu sentombazane sikhishwe emotweni yezidumbu ngenxa yombango womndeni othinta uyise wentombazane abehlukana naye, akhiphe umyalelo wokuthi lezi zimoto ezintathu zibuyiselwe e-Ivory Park ziphelezelwa ngamaphoyisa, nokuyilapho umndeni ka-Amina ovule khona icala lobugebengu.
UTatenda usola ukuba kungenzeka ukuthi uyise ka-Adeize uyena obefuna ukuntshontsha isidumbu. U-Amina wayenezingane ezimbili kobaba abahlukene.
I-Scrolla.Africa sabika ukuthi u-Amina unezingane ezimbili kubaba oyedwa kodwa imibiko yakamuva yaveza ukuthi izingane zinobaba abahlukene.
U-Amina ushiye izincwadi ezimbili egunjini lakhe e-Ivory Park.
Kulowo owayengumyeni wakhe, uyise ka-Adeize ubhale ukuthi: “Ukufa kwami nokufa kwezingane zami ezimbili kusezandleni zakho.”
Kumndeni wakhe wathi: “Ngiyaxolisa bekufanele ngikwenze lokhu ngoba sengikhathele impilo.”
Isithombe esingenhla: Imoto ethutha izidumbu.
Image source: UMfanelo Dzanibe