Kamogelo Olaitan
Njengoba isigaba sesibili sokucishwa kukagesi silokhu sikhungethe iNingizimu Afrika, u-Eskom uxwayise ngokuthi izakhamizi kumele zikulindele ukuphela kukagesi njalo njengoba kuqala ubusika.
U-Eskom uthe ubusika buzoholela ezinkingeni ezinkulu zokuphela kwamandla kagesi phakathi nesizini ikakhulukazi ngezikhathi zasekuseni nasebuku.
“Lokhu kuzodinga ukuthi kuqaliswe ukucishwa kukagesi ngezikhathi zasebusuku,” ngokusho kuka-Eskom.
NgoLwesibili ekuseni u-Eskom umemezele ukuthi kuzoqalwa ukucishwa kukagesi kwesigaba sesibili kusukela ngehora lesihlanu kuya kwihora leshumi ebusuku futhi kungase kube nezigaba eziphakeme uma kwenzeka ukuphazamiseka phakathi nosuku.
“Kusukela ngoMsombuluko ebusuku iziteshi zikagesi e-Arnot, i-Grootvlei ne-Matla zicishwe ngoba ziyalungiswa.
“Okwamanje sino-3,049MW wokulungisa okuhleliwe kanti omunye umthamo ongu-15,762MW awutholakali ngenxa yokonakala.”
U-Eskom uthe uphiko olukhiqiza ugesi eziteshini zikagesi i-Kusile ne-Arnot kulindeleke ukuthi luqale ukusebenza ngoLwesibili ntambama.
U-Eskom unxuse abantu baseNingizimu Afrika ukuthi baqhubeke nokusebenzisa ugesi ngokuwonga ikakhulukazi phakathi kwehora lesihlanu ekuseni kuya ehoreni lesishiyagalolunye ekuseni nehora lesine ntambama kuya kweleshumi ebusuku.
.
