Kubukeka isazoqhubeka eyase-Russia ne-Ukraine

Arthur Greene

I-Ukraine kumele izilungiselele ukuhlaselwa ngemuva kokuthi i-Russia isole amasosha ayo akhethelile ngokubulala indodakazi yomunye wabasekeli bakaPutin.

Intatheli uDaria Dugina obeneminyaka engu-29 ubulawe ibhomu emotweni ngesikhathi ihamba enkabeni yedolobha lase-Russia, i-Moscow ngoMgqibelo.

Ubaba wakhe u-Alexander Dugin ungumhlaziyi wezepolitiki omele kakhulu ubuzwe futhi ungumngane oseduze kaMengameli waseRussia uVladimir Putin.

Umngane kaDugina, u-Andrey Krasnov utshele isikhungo sabezindaba i-Tass ukuthi ubehamba ngemoto kayise i-Toyota Land Cruiser nokuthi kungenzeka ukuthi bekuhloswe ukuhlaselwa uyise.

Ngemuva kokuqhuma kwamabhomu iminwe yase-Russia ivele yakhomba e-Ukraine.

Umngane womndeni ukhiphe isitatimende egameni likaDugin ebiza ukuhlasela ngokuthi isenzo samaphekula ama-Nazi ase-Ukraine.

NgoMsombuluko uPutin ubize lokhu kuhlasela ngokuthi ubugebengu obunonya esitatimendeni esikhishwe i-Kremlin.

Uma ukuhlasela kuhlobene nempi kuzobe kungokokuqala kusukela ngoNhlolanja ukuthi kuthinte inkabayedolobha lase-Russia.

I-Ukraine nokho ikuphikile ukubandakanyeka kulokhu kuhlasela. Emsakazweni kamabonakude umeluleki kaMengameli, uVolodymyr Zelenskiy uthe “I-Ukraine ayihlangene nhlobo nalokhu ngoba ayilona izwe lobugebengu njenge-Russia, noma amaphekula.”

Izikhulu ziye zaphakamisa nokuthi i-Russia ngokwayo mhlampe iyona eyenze lokhu khona izokhomba i-Ukraine ukuze ikwazi ukuqhubeka nempi yayo.

Izihloko zakamuva