Lubhalwe nguRazeen Gutta
Owesilisa wase-Russia angase abhadle ejele iminyaka engu-30 ngemuva kokuboshwa e-France ngezinsolo zokuhlela ukuphazamisa imidlalo yama-Olympics e-Paris.
Njengoba umcimbi uzoqala maduze nje, iziphathimandla zase-France zihlole abantu abangaphezu kwesigidi kanti abacishe babe ngu-5,000 banqatshelwe ukungena.
Lo wesilisa ongowase-Russia oneminyaka engu-40 ubudala ubekwe icala kuleli sonto ngokulungiselela umkhankaso omkhulu wokuthunaza izwe lase-France ngesikhathi semidlalo yama-Olympics.
Nakuba bekungekhona ukuhlasela kwamaphekula, kodwa leli cebo belingaba nemiphumela emibi kakhulu.
Kumanje umsolwa uvalelwe ngaphambi kokuqulwa kwecala, kanti uphenyo lusingethwe ngongoti.
UNgqongqoshe wezangaPhakathi wase-France uGerald Darmanin uthe bangaphezu kuka-800 kubantu abangu-4,360 abavinjelwe ukungena kulo mcimbi ngoba basolwa ngokuba ngamanxusa amazwe angaphandle.
“Silapha ukuze siqinisekise ukuthi ezemidlalo azisetshenziselwa ubunhloli, ukuhlasela (cyberattacks) noma ukusabalalisa imininingwane engamanga nge-France nabakhuluma isi-French,” kusho uDarmanin.
Ama-Olympics azoqala ngoLwesihlanu.
Esithombeni ngenhla: Ama-Olympics ase-Paris.
Umthombo: @chklaue