Ilungu lethimba lamaphoyisa aseNingizimu Afrika amaBerete liboshwe e-Port St Johns e-Eastern Cape ngemuva kokuhluleka ukugebenga lihlomile.
Okhulumela amaphoyisa ase-Eastern Cape, uLieutenant-Colonel Siphokazi Mawisa uthe iphoyisa, (37), liyilungu laseKapa lamaBerete kodwa lisebenzela e-Port St Johns.
“Ngokwemibiko, usayitsheni, ojutshwe e-Port St Johns, kusolakala ukuthi uyabandakanyeka esigamekweni sokugebenga ehlomile la ashaywe khona ngabagilwa elokishini lase-Mkabane, e-Port St Johns.
“Imininingwane iveza ukuthi ngesikhathi ezama ukugebenga uhlulwe ngabagilwa, bakwazi ukumphuca izikhali. Babe sebebikela amaphoyisa baphinde benikeza izikhulu isibhamu sakhe,” kusho uMawisa.
Uthe iphoyisa lizovela eNkantolo yeMantshi yase-Port St Johns uma nje seliluleme ekulimaleni kwalo.
Umsolwa ubhekene necala lokutholakala nesibhamu esingekho emthethweni kanye nokubamba inkunzi.
UKhomishana wamaphoyisa esifundazweni uLieutenant-General Nomthetheleli Mene uthe amaphoyisa ngeke abekezelele izenzo zobugebengu ezenziwa ngomunye wawo.
“Lokhu kuboshwa kukhombisa ngokusobala ukuthi i-SAPS ngeke iyibekezelele inkohlakalo yamalungu umsebenzi wawo okuwukulwa nobugebengu nokuvikela zonke izakhamizi,” usho kanje.
Luhlanganiswe ngumbhali we-Staff Writer