Arthur Greene
Abathengisi bensangu abanamalayisense eMelika manje banikeza abantu insangu yamahhala uma begonyelwa ukhuvethe.
Lolu hlelo olubizwa nge -“Joints for Jabs,” lwenzelwe ukukhuthaza abantu ukuthi bagonywe.
I-Liquor and Cannabis Board kahulumeni wase-Washington imemezele ngoMsombuluko ukuthi izovumela abathengisi bensangu ukuthi banikeze umuntu ngamunye i-joint yamahhala ebheme uma esemtholampilo ongaphakathi ezitolo.
Umbuso ubuye wavumela izinhlelo ezifanayo ezinikeza ubhiya, iwayini nama-cocktails ukuze kugonywe – ngakho-ke kuyacaca ukubona ukuthi yini esiza abaseMelika!
Isinyathelo, abanye abasibiza ngokuthi “yi-poke and toke,” asisebenzi kwezinye izinhlobo zensangu ezifana nokudla okudliwayo njengama-brownies.
Ababhemayo uma belambile bancamela ukuyogoma esifundazweni sase-Arizona, esinikela ngoswidi bamahhala kubantu abagomayo.
Uhlelo lwe “Joints for Jabs” lulandela iseluleko sikaMengameli uJoe Biden sokuthi amazwe enze ubuciko bokuheha abantu ukuthi bagonywe.