I-Ezemvelo KwaZulu-Natal Wildlife, amaphoyisa ophiko lokwebiwa kwemfuyo, kanye ne-SPCA bahlenge iwundlu lengwe emzini waseMgungundlovu ngasekuqaleni kwenyanga.
Iwundlu lengwe, okulinganiselwa ukuthi linezinyanga ezine kuya kweziyisithupha ubudala, litholwe endaweni ebiyelwe.
Okhulumela ezeMvelo uMusa Mntambo uthe lithuthelwe eFree Me Wildlife Rehabilitation Centre ukuze lithole ukunakekelwa okwesikhashana.
Lapho sebethole izimvume ezifanele balithumele endaweni ephephile eZoo yasePitoli, lapho lizohlala khona.
UMntambo uthe leli wundlu liqhuba kahle ekhaya elisha.
Kuvulwe icala lobunikazi bengwe ngokungemthetho esiteshini samaphoyisa eTownhill, abantu ababili bayamaniswa naleli cala.
Lesi sigameko silandela esinye esifuze lesi sangoNhlaba lapho amawundlu amabili engwe, okubikwa ukuthi abefuywe eMidlands, athathwa emzini oseWestville.
Iziphathimandla zizimisele ngokuhlasela abantu abagcina izilwane zasendle ezindaweni ezihlala abantu.
Luhlanganiswe ngumbhali we-Stuff
Esithombeni esingenhla: Isithombe-skrini.
Umthombo: X