Izindlovu zinyathele abasolwa abebezingela ngokungemthetho

Kamogelo Muvhenzhe

Lowo osolwa ngokuzingela ngokungemthetho unyathelwe umhlambi wezindlovu e-Kruger National Park ngoMgqibelo washona.

Okhulumela amaPaki Kazwelonke aseNingizimu Afrika u-Isaac Phaahla, uthe le ndoda nabebehamba nayo ababili bebebalekela abaqaphi besiqiwi ngesikhathi behlangana nomhlambi wezindlovu ezizalanayo.

“Abasolwa ababili babonwe ngabaqaphi besiqiwi kwathi ngesikhathi bezama ukubaleka, abaqaphi bacela ukulekelelwa uphiko lwe-Airwing ne-K9,” kusho uPhaahla.

“Kuthe ngesikhathi abasolwa bebona ukuthi sebebanjiwe ngokuzingela ngokungemthetho, baphonse izembe nesikhwama esinezinto zabo bazama ukubaleka.”

Omunye wabasolwa uboshiwe wabe esetshela abaqaphi besiqiwi ukuthi yena nozakwabo bahlangane nomhlambi wezindlovu futhi akanaso isiqiniseko sokuthi ngabe uzakwabo ubalekile.

Abaqaphi besiqiwi bathole isidumbu somsolwa  ebesinyathelwe kabi ngemuva kokuboshwa kozakwabo.

Umsolwa wesithathu naye olimele ukwazile ukubaleka.

UPhaahla uthe kutholakale isibhamu kanti icala lidluliselwe emaphoyiseni abehambele indawo yesehlakalo nethimba lezifo.

I-Kruger National Park iyona ndawo ehlaselwa kakhulu kunazo zonke e-Afrika eseNingizimu ngokuzingelwa kwezilwane ngokungemthetho.

Picture source: @SANParksAENP