Buka ividiyo ye-Scrolla yansuku zonke sigxila khona ngezinkolelo zamanzi e-Afrika, isikole esikhulu samaKhatholika esivalwayo kanye nabalingisi boMuvhango abanqaba ukuqopha.
Amasiko amaningi ase-Afrika awaboni amanzi ahambayo njengamanzi ajwayelekile, kubantu base-Africa lokhu kumele ukuphila, ukuphulukiswa, kanye nokuxhumana noNkulunkulu.
Njalo ngempelasonto, abantu abaningi baya emifuleni nasempophomeni beyohlanzwa ngokomoya futhi babhabhadiswe. Bakholelwa ukuthi amanzi angakwazi ukwelapha kokubili umzimba nomphefumulo wabo.
USimphiwe Nyathi ongumelaphi wendabuko uyawusekela lo mbono. Abaholi bezenkolo abafana noMfundisi uLucky Moyo nabo bayavumelana, beveza ukuthi noJesu wabhabhadiswa njengophawu lokuphulukiswa.
Nokho, le mikhuba ingaba yingozi. Umfula iJukskei ube nezigameko eziningi zokuminza eminyakeni edlule, okukhathaza iziphathimandla zendawo. URobert Mulaudzi we-Emergency Services usexwayise abantu ngalobu bungozi.
Naphezu kwezingozi, abaholi abaningi bayaqhubeka nala masiko. Banomuzwa wokuthi ukuxhumana nemvelo nokukholelwa emandleni okwelapha ngamanzi kubaluleke kakhulu kunezingozi.
Kwezinye izindaba kuvalwe isikole samaKhatholika eThekwini ngenxa yezinkinga zemali njengoba bembalwa abafundi ababhalisile.
Abalingisi bomdlalo kamabonakude iMuvhango batelekile ngoba bengakaholelwa.
EGqeberha umnikazi wesitolo udubule owesilisa obevikela udadewabo ngesikhathi kunengxabano.
Abantu baseHammanskraal bakhathazekile ngomunye umkhuhlane wekholera ongase ube khona ngenxa yamanzi angcolile.
Esithombeni esingenhla: Umfula osetshenziwa abalaphi bendabuko.
Umthombo: Everson Luhanga