Lubhalwe ngu-Everson Luhanga
Izakhamuzi ezithukuthele e-Allen Grove, eKempton Park Extension 4 nakwezinye izindawo ezingaphansi kwedolobha zithi sekwanele ngokushiywa ebumnyameni.
Ugesi ucishiwe ezindaweni ezimbalwa zase-Kempton Park kusukela ngempelasonto futhi abantu bathukuthele.
I-Kempton Park Central Business District, Extension 2 to 4, e-Spartan, e-Rhodesfield Extension 1, e-Cresslawn kanye ne-Croydon zonke azinawo ugesi.
IKhansela uSimon Lapping uthe ukuhlolwa kwengqalasizinda sekusesigabeni sokugcina, ugesi kumele ubuyiselwe maduze. Kodwa asikho isikhathi esiqondile esinikiwe.
Okuwukuphela kweseluleko idolobha elisinikezile esokuba izakhamuzi zicime zonke izinto ezisetshenziswayo ezingabalulekile ukusiza ukuzinzisa uhlelo.
Khonamanjalo, iKhansela lesigceme uJéan Kriek uthe izingxenye zale ndawo sezivele zithola ugesi futhi ngolayini we-Aston Manor 66kV.
Uthe i-Aston Manor, iNimrod Park, i-Allen Grove, izingxenye zePomona neBonaero Park kumele ukuba sezinawo ugesi kodwa izakhamuzi eziningi kulezo zindawo zisasebumnyameni.
Abantu bangene emaqenjini e-WhatsApp ukuze babelane ngezibuyekezo nokukhungatheka. “Kuyahlekisa lokhu. Sekuyizinsuku kodwa ugesi awukho!”, kusho esinye isakhamuzi.
Omunye uthe abantu bayasangana e-Kempton Park Extension 3, Allen Grove nase-Extension 4, lapho kucishwe khona ugesi kusukela ngeSonto.
Akukaze kube nesitatimende sikamasipala waseKurhuleni esichaza ngembangela yokunqamuka kukagesi isikhathi eside.
Esithombeni esingenhla: izakhamuzi ezikhungathekile ngenxa yokucishwa kwagesi e-Kempton Park,
Umthombo wevidiyo: Ividiyo ithunyelwe