Iyashuba ingxabano phakathi kukaDJ Maphorisa noPrince Kaybee.
Lokhu kuza ngemuva kokuthi osaziwayo sebekhulumana kabi esidlangalaleni.
Impendulo kaMaphorisa isabalale ngokushesha njengoba ebiza uPrince Kaybee nge-ponstar emgcona ngokuveza isitho sakhe sangasese ezinkundleni zokuxhumana.
Ku-Instagram Live umculi owaziwa njengenkosi yamapiano uhlulekile ukuzibamba washiya angalazi kumculi wengoma eyashisa izikhotha ethi Fetch Your Life.
Ukuphendula kukaMaphorisa kuza ngemuva kokuthi uPrince Kaybee eveze imibono yakhe mayelana nokuba namalungelo omculo wakhe, ephikisa into eshiwo uMaphorisa yokuthi unobunikazi obugcwele bezingoma eziqoshwe estudiyo sakhe.
Ingxabano iqale ngesikhathi uDJ Maphorisa ethi unobunikazi wawo wonke umculo owenziwe ngemishini yakhe, isitatimende esingehlanga kahle kuPrince Kaybee.
Ku-tweet, uPrince Kaybee ubephikisana nemibono kaMaphorisa efaka nesivumelwano se-intellectual property sharing.
Lokhu kuholele ekutheni uMaphorisa aphendule ngokweyisa uPrince Kaybee ethi uhamba ekhombisa ngesitho sakhe sangasese ezinkundleni zokuxhumana.
Luhlanganiswe umbhali we-Stuff
Osesithombeni esingenhla: UDJ Maphorisa.
Umthombo wesithombe: X