Lubhalwe nguLucky Vince Pienaar
URassie Erasmus akakwazi ukugwema isinqumo samasu isikhathi eside. Kuzofanele anqume ukuthi uzomeseka isikhathi esingakanani uManie Libbok – nokuthi uzomeseka yini kuze kufike iNdebe yoMhlaba?
Kuyathaka ukuzwa ukuthi uSiya Masuku uchazwa ngokuthi “mdala kakhulu” kodwa uManie Libbok yena ebe emncane kunoMasuku ngonyaka owodwa. Bobabili bazobe sebeneminyaka engaba ngu-31 uma kufika iNdebe yoMhlaba yango-2027.
Akekho ophikayo ukuthi uLibbok ungumdlali osezingeni eliphezulu, kodwa unenkinga uMasuku angenayo. UManie akakaze akwazi ukuyinqoba ngokugcwele inkinga yakhe yokukhahlelela ukuwina amaphuzu uma engaphansi kwengcindezi.
Kusukela emdlalweni wokuvula weNdebe yoMhlaba bebhekene ne-Scotland, kuze kufike emdlalweni wabo wamaStormers bebhekene ne-Glasgow Warriors lapho abaphuma khona ku-Vodacom United Rugby Championship, ukudlala kukaLibbok ezingeni lokukhahlela bekungekho kuhle.
Futhi uma ubuza imibuzo mayelana nobudala, kufanele ukuqaphela ukuthi uHandré Pollard, indoda ehlezi ihlenga uLibbok izobe ineminyaka engu-34 ngo-2027.
Iningi labantu liyavuma ukuthi uRassie ungomunye wezihlakaniphi ezinhle kakhulu emdlalweni, kodwa uphikelela ukudlalisa uLibbok.
Ngemuva kokuthi uCurwin Bosch egcine ehluleke izikhathi eziningi kumaSharks, uMasuku walwela ukungena eqenjini lamaSharks wacishe waguqula izinhlanhla zeqembu, wawina indondo yomdlali ovelele kathathu kulandelana.
Kuthiwa uLibbok uyi-flyhalf enkulu emdlalweni ovulekile – kodwa waziwa ngokugeja lapho okubaluleke khona ngempela. Uma kukhona okumele kwenziwe ngokushesha, uPollard oyindoda abathi ineqhwa emithanjeni yakhe, uhlezi eba umhlengi. Irekhodi lakhe eliphelele lokukhahlela kwiNdebe yoMhlaba liwubufakazi balokho. Kodwa uma kuziwa emdlalweni ovulekile, angaba ntengentenge kancane.
ULibbok uma ehlangana noPollard balingana noMasuku. Muhle, futhi kwesinye isikhathi uyagqama ekudlaleni okuvulekile futhi uyazinqoba izikhathi zengcindezi. Uwamaka wonke amabhokisi kodwa akangeni eqenjini lamaBhokobhoko elizodlala ne-Ireland.
Ngaphandle uma uRassie enze okuthile okumangalisayo, uLibbok uzoba seqenjini elizodlala ngoMgqibelo kanti uPollard ozobe esebhentshini uzongena phakathi uma izinto ziba zimbi kakhulu.
Kodwa uma uPollard engaphumeleli ukungena eqenjini leNdebe yoMhlaba, ubani ozotakula uLibbok namaBhokobhoko uma sekushube ngempela?
Futhi ngesikhathi impikiswano iqhubeka ngoLibbok noMasuku, sekuvele umuntu omusha nokhaliphile emkhathizwe.
Ngobusuku bangaphambi kokuthi uRassie ememezele iqembu lakhe labadlali abangu-23 abazodlala emdlalweni wokuqala ne-Ireland, uSacha Feinberg-Mngomezulu (22) ubhekwe ngabomvu. Angakwazi ukudlala i-wing, i-fullback kanye ne-centre, futhi yebo, angakwazi nokudlala i-flyhalf.
Kwazi bani? Kuyothi kufika iNdebe yoMhlaba uMngomezulu kungenzeka kube nguyena obamba iqhaza kulo msebenzi – mhlawumbe yena noMasuku bangakwazi ukungena eqenjini.
Esithombeni esingenhla: UMasuku noLibbok.
Umthombo wesithombe: X