Lubhalwe nguLucky Vince Pienaar
Ukuwa kwelakuleli kuyindaba edabukisayo abathandi bamaBlitzboks abayazi kahle kamhlophe. Ngesikhathi iqembu lakuleli labadlali abayisikhombisa liwela endaweni yesikhombisa futhi lehluleka ukuhlungela ukuya kuma-Olympics, bekufana nefilimu ethusayo eyenzeka kancane kancane – kodwa okubi kakhulu bekuseza.
Bahlulwe i-Kenya emzuliswaneni wokuhlungela wase-Afrika okusho ukuthi sebenethuba lokugcina – elilodwa kuphela – lokungena kuma-Olympics nokuyofuna igolide.
I-HSBC Canada Sevens ingumqhudelwano wezinsuku ezintathu ozokuba e-Vancouver, e-Canada, kusukela ngomhlaka-23 kuya kumhlaka-25 kuNhlolanja.
Amaqembu angu-12 azodlala emqhudelwaneni “wethuba lokugcina” ngoNhlangulana kulo nyaka futhi iqembu elilodwa kuphela elizohlungela ukungena kuma-Olympics. Iqembu elinqobe umqhudelwano kuphela elizoya e-Paris ngoNtulikazi.
Elakuleli lizongena kulowo mqhudelwano njengezintandokazi kodwa akhona amanye amaqembu afana ne-Britain, i-Canada kanye ne-Spain asekulungele ukuhlula iBlitzboks. Kodwa ngeke kube lula.
Eminye imidlalo ye-HSBC Sevens yakulo nyaka ezophelela e-Madrid ekupheleni kukaNhlaba ayiwuthinti umqhudelwano ozobe use-Monte Carlo.
➤ Kungani i-Vancouver ibalulekile.
Okokuqala ngqa elakuleli linqobe emiqhudelwaneni emine yokuqala kule sizini kanti ukunqoba e-Dubai kwaba into egqamile kanti inhlekelele eyenzeka eKapa kube into edumazayo. Kuyimanje iBlitzboks asendaweni yesine.
Uma inqoba e-Monte Carlo kumele ibe sesimeni esihle uma iya kuma-Olympics.
Bangaya kuma-Olympics njengeqembu elihlonishwa kakhulu noma bangaya beyiqembu eliphansi kakhulu.
Lokhu kuzokwenzeka kuphela uma bephuma njengompetha besizini ye-HSBC lapho abangase babonakale beyizintandokazi kuma-Olympics. Nakuba lokhu kungeke kwenzeke, kungaba esinye sezimangaliso zezemidlalo zonyaka.
Umdlalo wokuqala wabesilisa kulo mqhudelwano uzoba ngo-11.52 ebusuku ngoLwesihlanu – futhi kuzoba umdlalo wosuku. IBlitzboks izobhekena nama-All Blacks.
Ingabe i-Vancouver inendaba? Hhayi kakhulu.
Esithombeni esingenhla: I-Blitzboks ngaphambi kokuya e-Canada.
Umthombo wesithombe: X