Lubhalwe nguMichael Madyirha
INingizimu Afrika ayeneme njengoba ihlulwe ngo 49-47 i-Uganda ngeSonto emdlalweni wokuhlungela indawo yesihlanu eNdebeni yoMhlaba yomnqakiswano ka-2023.
Lo mphumela usho ukuthi ama-Spar Proteas aqeda umqhudelwano endaweni yesithupha njengoba behle ngamaphuzu amabili eNdebeni Yomhlaba bahlala endaweni yesine.
Ukunqoba kwabo okuncane e-Cape Town International Convention Centre kusho ukuthi amahhashi amnyama ase-Uganda ehlise esihlalweni amantombazane kaNorma Plummer njengeqembu elihamba phambili e-Afrika.
I-Uganda iqale ngamandla kunosokhaya, belawula umdlalo kusukela ekuqaleni besebenzisa namaphasi alahlwa iNingizimu Afrika.
Njengoba bephumelele ngesikhathi bebhekene nezinkunzi emidlalweni edlule, ama-Spar Proteas kulokhu athwale kanzima ukuvimba umshayi magoli wase-Uganda uMary Cholhok kanye no-Nassanga Shadiah ebebehlasela.
I-Uganda iqhubekile nokuhamba phambili ngo 12-11 ekupheleni kwekota yokuqala yomdlalo njengoba iqembu likaPlummer lizabalaze ukuzinza, liqhubeka nokwenza amaphutha amaningi.
Kodwa bazamile ukuthola amaphuzu kancane ngesikhathi belinganisa ngo 23-23 ngaphambi kokuba kuyiwe ekhefini.
Lesi simo sinikeze ithemba lokuwina njengoba kwenzeke ngendlela efanayo emdlalweni bebhekene ne-New Zealand ngesonto eledlule.
Kodwa abadlali baseMpumalanga Afrika baphinde bahola umdlalo esiwombeni sesibili ngenxa yendlela yokuzivikela eqinile kanye nobudedengu beNingizimu Afrika.
I-Uganda iqede ikota yesithathu ihamba phambili ngamagoli amabili, okushiye uPlummer edinga iqhinga.
Ngisho sekukhishwa u-Izette Griesel kwafaka uKhanyisa Chawane akuzange kwenze mehluko kumqeqeshi.
Amagoli ka-Elmere van der Berg angu-36 kanye namagoli ka-Nichole Taljaard angu-11 awazange ayisize kangako iNingizimu Afrika ekugcineni njengoba i-Uganda ibambelele ekuholeni kwayo okuncane yanqoba umdlalo.
Esithombeni esingenhla: INingizimu Afrika vs Uganda
Umthombo wesithombe: Netball South Africa