Isistela lase-Myanmar lincenge amaphoyisa ukuba “amdubule”

Arthur Greene

Sekusabalale isithombe ezinkundleni zokuxhumana esikhombisa isistela lincenga amaphoyisa abehlome eyizingovolo ukuba angathathi impilo “yezingane” kodwa athathe impilo yakhe.

Lesi sithombe sikhombisa uDade Ann Rose Nu Tawng oneminyaka engama-45, eguqe ngamadolo phambi kwamaphoyisa, agqoke izinsimbi futhi ahlome ngezibhamu edolobheni lase-Myitkyina.

Izingalo zakhe bezivulekile ngesikhathi amaphoyisa amabili eguqa phambi kwakhe, nawo emncenga ukuba asuke engozini njengoba elungiselela ukulwa nombhikisho.

Isenzo sakhe sesibindi siza njengoba udlame lomphakathi luqhubeka lukhula ezweni lonke, kulandela ukuketulwa komholi wezempi u-Aung San Suu Kyi, mhla zi-1 kuNhlolanja.

Ababhikishi, abafuna kubuyiswe intando yeningi, baqale bangena ezitaladini ngemuva nje kokuhlaselwa ngamaphoyisa. Ngokuziphindisela iqembu lezempi likhuphule izinga layo lamandla, ngokufutha i-teargas, ukuvulela izinganono zamanzi, ukudubula ngezinhlamvu zenjoloba kanye nokudubula ngezinhlamvu zangampela.

Ngesikhathi ababhikishi bengena ezitaladini ngoMsombuluko e-Myitkyina, amaphoyisa azilungiselela ukuqeda konke lokhu. Ngesikhathi bezilungiselela, uDade Ann Rose Nu Tawng kanye namanye amasistela amabili babancenge ukuba bahambe.

“Ngiguqe ngamadolo … ngibacela ukuthi bangazidubuli izingane futhi bangazihlukumezi, kodwa okungcono badubule babulale mina,” esho ngoLwesibili.

Yize ubencenga, amaphoyisa avele avulela ngenhlamvu emahlombe akhe edubula isixuku ebesingemuva kwakhe.

“Ayikho into ebengingayenza kodwa bengithandazela ukuthi uNkulunkulu asindise futhi asize izingane.” esho.

Ubone owesilisa edutshulwa ekhanda ngemuva kwakhe. Ithimba labatakuli bendawo liqinisekise i-AFP ukuthi amadoda amabili adutshulwe abulawa khona lapho ngesikhathi semibhikisho yangoMsombuluko.

“Ngezwa sengathi umhlaba uyabhidlika,” kusho yena.

Ngemuva kwemibhikisho ufunge ukuthi uzoqhubeka nokwenza konke okusemandleni ukuvikela “izingane”.