Lubhalwe nguRazeen Gutta
Isizini ye-Premier League iphele ngeSonto futhi naphezu kwamagoli amaningi kwezinye izindawo, ukuqeda kuka-Abdoulaye Doucoure kube yikho obekudingwa i-Toffees ukuze igweme ukuhlehla.
I-Leicester City ibidinga ukunqoba ngesikhathi ibhekene ne-West Ham futhi ngenxa yamagoli ashawe uHarvey Barnes noWout Faes ikutholile ukunqoba kwayo.
I-City ibiyazi ukuthi konke kusezandleni zayo ngesikhathi uDoucoure edlula uMark Travers egolini le-Bournemouth, imizwa ibihlukile e-Goodison Park nasenkundleni i-King Power.
Abanye abebelwela ukuhlala phezulu bekuyi-Leeds United. Nokho i-Tottenham Hotspur ithole ukuzikhethela emkhankasweni wayo, ngesikhathi uHarry Kane eshaye amagoli amabili nokubasize ukuthi banqobe ngamagoli amane kwelilodwa ekuhambeni.
Umqeqeshi we-Everton, uSean Dyche ujabulile nabadlali bakhe kodwa washeshe wakucacisa ukuthi abafuni ukuphinde babe sesimweni esifanayo.
“Kusobala ukuthi kusho lukhulu okwenzekile. Ngithathe iqembu ebese libukeleka phansi futhi kukhombisa uqhekeko phakathi kwalo,” kusho uDyche ngemuva komdlalo.
“Kufanele sifunde kulokho. Phakathi kwakho konke kuwusuku olumangalisayo lolu.”
Kweminye imiphumela, iqembu eliphansi le-Southampton liphume ngesitayela njengoba libuya ngemuva ukuzothatha iphuzu kumphumela ojabulisayo wamagoli amane kwamane kwi-Liverpool kantu i-Arsenal idiliza i-Wolves ngamagoli amahlanu eqandeni e-Emirates.
I-Manchester United inqobe amagoli amabili kwelilodwa ihlula i-Fulham kwathi i-Chelsea ne-Newcastle yadlala ngokulingana (1-1).
Isithombe esingenhla: I-Everton
Umthombo wesithombe: @Everton