Lubhalwe nguDalphine Tagwireyi
Kunokwesaba e-Zimbabwe ngokushoda kukashukela kanye namanani aphakeme. Lokhu kungemuva kokuthi ingxenye yesizinda somoba e-Hippo Valley, oThongathi icekelwe phansi isichotho ngoMsombuluko.
Umlimi womoba wase-Chiredzi uMnu Daniel Kadema uthe umoya ofike nesiphepho uFreddy mubi kakhulu. Ungomunye wabalimi bezinkontileka abaningana abasebenzisa indawo yase-Hippo Valley.
“Izitshalo zethu ziyisicaba futhi lokhu kuzophazamisa isivuno sethu. Kuzokwenza ngisho nokuvuna kube nzima kakhulu. Kodwa akukho esingakwenza. Kuzomele silinde sibone,” esho.
Lokhu kuza phezu kobudlelwano bokuhweba obuvele bube bubi phakathi kwabalimi nezinkampani ezihluza ushukela.
Izazi zezomnotho zibikezela ukushoda kukashukela futhi zithi ukwenyuka kwamanani kashukela kuzoba imbangela yokushoda okuzayo.
“Amanani azokwenyuka kakhulu,” kusho isazi sezomnotho uMalvin Chidembo.
Umlimi uSimon Mutori uthe njengoba izitshalo zabo sezonakele sekukhona ukwesaba okukhulu kubalimi.
“Imadlana ebesiyithola ngezitshalo isiphelile. Iningi lezitshalo zethu zomoba ziyizicaba,” esho.
UMphathi wezamabhizinisi nezimboni oThongathi uDkt Dahlia Garwe uthe akekho e-Lowveld futhi usalinde ukuzwa ukuthi umonakalo ungakanani.
“Kodwa-ke, [uma sibheka ubukhulu] bamasheya amanje kanye nalawo alindelekile kunoshukela owenele ezweni,” esho.
Emasontweni amabili edlule, abalimi bomoba abasafufusa abaphakela u-45% kashukela wezwe ongaphekiwe bebenengxabano yamanani ne-Gold Star okungabakhiqizi abakhulu ngenxa yokwenyuka kwentengo kashukela.
I-Gold Star ebivale imboni yayo yokuhluza yathi intengo kashukela oluhlaza kubalimi abasafufusa iphezulu kakhulu, ngesikhathi abalimi bethi badayisa imikhiqizo yabo ngemali ephansi.
Esithombeni esingenhla: Izitshalo zomoba ezicekeleke phansi e-Hippo Valley Estate
Umthombo wesithombe: Twitter