Lubhalwe nguRazeen Gutta
Isinyama sikaKim Kardashian uma siyinto ekhona singase sibe isizathu semiphumela yamaligi aphezulu ebhola lase-Europe kuleli sonto.
Isikhala ebesibanjwe uDrake isikhathi eside sivulekile njengoba lo mrepha ubesekela i-Argentina eNdebeni Yomhlaba yase-Qatar yango-2022, kodwa manje sekuzoba isikhathi sikaKim.
Uhambele lo mdlalo kanti iqembu abelisekela ebusuku lihluliwe.
Ukube bekuyiqembu elidonsa kanzima elihluliwe bekuzoqondakala, kodwa ukuhlulwa kompetha be-Premier League i-Arsenal kanye nokuhluleka komdlali ovelele uLionel Messi emdlalweni wabo kukhombisile ukuthi bebebhekene nesinyama sikaKardashian ezinsukwini ezimbalwa.
Ejoyinwe yindodana yakhe uSaint, uKim uhambele umdlalo we-Gunners’Europa League ne-Sporting CP ngoLwesine. Umdlalo uphele ngokuhlulwa kumaphenalthi ohlangothini lukaMikel Arteta okube ukushaqeka okukhulu, uma kubhekwa indlela yamanje yeqembu lase-North London.
Nakuba kumane kwaqondana ukuthi uKim wayesedolobheni ngobusuku obekudlala ngalo leli qembu, abalandeli bamangalile ngesikhathi kuvela omunye umphumela oshaqisayo ngemuva kwezinsuku ezintathu.
Eminyakeni emibili ekuleli qembu le-PSG, umpetha womhlaba uMessi akakaze ahlulwe emdlalweni wasekhaya. Impela noma ngubani osekela lo mdlali wase-Argentina ubengathanda ukumbukela kwi-Parc des Princes, kodwa akubukeki kanjalo.
NgeSonto, i-Rennes esendaweni yesihlanu ihlule i-France ngamagoli amabili eqandeni, okujabulise abalandeli baku-Twitter abakade bekhuluma ngalo mdlalo ngesikhathi bebona uKim Kardashian esixukwini.
Okulandelayo izimpendulo zabantu ku-Twitter:
Isithombe esingenhla: UKim Kardashian
Umthombo wesithombe: @thomasmblambo