Lubhalwe nguRorisang Modiba
Uphiko lwezomthetho lamukele isinqumo seNkantolo eNkulu yase-Free State kuleli sonto esivumela abayeni ukuthi bathathe izibongo zamakhosikazi abo.
Lesi sinqumo siphume ngemuva kokuthi izithandani ezimbili ziye enkantolo ngenxa yokuthi uMnyango wezaseKhaya unqabile ukuthi umyeni athathe isibongo sikankosikazi wakhe.
Bakhale ngokuthi imithetho yamanje isekela izimiso zobulili eziphelelwe yisikhathi ezivela emiphakathini enomthelela wokungalingani ngokobulili.
Isinqumo seNkantolo ePhakeme sihambisana nesinqumo seNkantolo yoMthethosisekelo esakhishwa ekuqaleni kukaMandulo.
Isazi sezomthetho u-Ayanda Moremoholo uthe lesi sinqumo esibalulekile sisho ukuthi ingxenye yoMthetho wokuBhaliswa kokuZalwa noKufa idinga ukushintshwa, njengoba inkantolo yenza lesi siphakamiso.
Lesi sihloko siholele ezingxoxweni ezishisayo ezinkundleni ezifana ne-Reddit, lapho abantu abecobelelana khona ngemicabango yabo ngabayeni abathatha izibongo zamakhosikazi abo.
Omunye umsebenzisi ubeke amazwana wathi: “Empeleni ngiwuthanda kakhulu lo mbono futhi ngiyethemba ukuthi uzojwayeleka. Ngicabanga ukuthi kuzoya ngezithandani ukunquma ukuthi yini elungele zona, futhi ngiyethemba ukuthi abantu bazokhetha lokho abakuthandayo hhayi okucatshangwa abanye abantu.”
Omunye ophawulile ukhulume ngalokho ake ahlangabezana nakho, echaza ukuthi umyeni wakhe wathatha isibongo sakhe ngesikhathi beshada. Wanquma kudala ukuthi akafuni ukushintsha isibongo zakhe, bethi: “isibongo sami, ngiyasithanda. Kungani kufanele ngisishintshe uma ngingafuni?” Uthi umyeni wakhe wameseka, wabuza ukuthi, “Kulungile uma ngithatha isibongo sakho?”
Esithombeni esingenhla: Izithandani.
Umthombo wesithombe: Stock