Isimangaliso sesibili sikaRashford eParis

Ukudlala ngokuzimisela kukaMarcus Rashford ngomzuzu wokugcina kwenze i-Manchester United ukuba inqobe ngamagoli amabili kwelilodwa ngesikhathi idlala ne-Paris Saint Germain ngoLwesibili ebusuku.

Bekungokwesibili kumasizini amathathu lapho uRashford eshaya khona igoli ngomzuzu wokugcina e-Paris, elenza i-Man United ukuba inqobe emdlalweni wayo we-Champions League ngesikhathi iqhudelana ne-PSG.

Umdlalo wangaphambilini ubuwaziwa njengesimangaliso e-Paris.

Kodwa manje kunezimangaliso ezimbili.

Ukusebenza kanzima kukaRashford emdlalweni obushesha, kumenze ukuba agqame yedwa eqenjini le-PSG elinabadlali ababandakanya uNeymar wase-Brazil kanye noKylian Mbappe wase-France.

URashford uthe: “Kungukusebenza okuhle khona, kodwa kuningi okusamele sikwenze. Ngiyakholelwa kuleli qembu. ”

URashford uzuze udumo eBrithani ngokucela ukuxhaswa ngemali yokudla kwamahhala kwezingane ezivela emindenini edonsa kanzima ngesikhathi sobhubhane lwe-Covid-19.

Isithombe: @MarcusRashford