Abashayeli bezimoto kudingeke ukuthi banyakaze bavule indlela yendiza encane obekudingeka ukuthi ihlale ngokuphuthuma phakathi nomgwaqo.
Isigameko senzeke ngoLwesithathu ekuseni ku-R44 ngase-Winery Road e-Stellenbosch, e-Western Cape.
Kwividiyo efakwe ku-twitter indiza ibonakala ibheke kwisiminyaminya nabashayeli bama ukuze bavulele indiza indawo yokuma.
Abezimo eziphuthumayo i-ER24 bathi omunye wabagibeli uphume endizeni walimala kanzima kwathi omunye okukholakala ukuthi ungumshayeli wendiza uphunyuke enemihuzukwana.
Laba bobabili baphuthunyiswe esibhedlela sendawo ukuze bathole ukwelashwa.