Sizwe Sibiya
Ngemuva kwedili elimnandi langempelasonto, abalandeli be-Big Brother Mzansi bavalelise okokugcina kwisithandwa sabo uNaledi “Nale” Mogadime ngoMsombuluko.
UDJ Mr X we-Skhanda World nomlingisikazi uThuli P, ogama lakhe langempela uThulisile Phongolo, bebe ngoDJ.
UNale uphume ngosuku lwesi-49 kwi-reality show ehamba noThobeka “Venus” Mtshali wase-Richards Bay.
UNale uthole umyalezo okhethekile ezinkundleni zokuxhumana ovela kubalandeli abangaphezu kwabangu-10,000 bemthumelela izincwadi ezithi-#DearNale ku-Twitter, ezimenze waba sematheni.
“#DearNale, Unamandla! Indaba yakho yempumelelo isaqala! Isibhakabhaka yindawo yakho yokuqala. Siyakuthanda Alpha Queen,” kubhala omunye umlandeli.
Njengoba uMichelle Obama kanye nomrepha uMeagan Thee Stallion bengamaqhawe akhe, uNale ube ugqozi kanye nothokozisayo ohlelweni.
“Ubuntu bakhe obungajwayelekile, uthando lwakhe, ukujabula kwakhe, umoya wakhe omuhle uma kuziwa empilweni kungenza ngiyithande kakhulu le ntombazane. Nale othandekayo, uthathe indawo ekhethekile enhliziyweni yami,” kubhala omunye umlandeli omkhonze kakhulu.
Lo nobuhle (24) wasePitoli wayethe ungene ohlelweni ngethemba lokuthi uzophuma engusozigidi.
“Kungaba kuhle lokho,” esho enkulumweni yakhe ayithula efika okokuqala ngqa kulolu hlelo.
Kodwa ngemuva kokudlala okumangalisayo ohlelweni i-Big Brother, uhambe esenenqwaba yabalandeli.
Khonamanjalo i-Big Brother Mzansi 2022, ekwisizini yesithathu eNingizimu Afrika ngemuva kwekhefu elide yesizini yesibili, isisondela esiqeshini sokugcina.
Sekusele abayisikhombisa kwabangu-18 abangenele lo mncintiswano abalwela umklomelo ka-R2 million.
Umthombo wesithombe: Twitter
.
