Lubhalwe nguRorisang Modiba
Amaqembu amathathu asichithile isikhalo sawo ngoMacG ngemuva kokuthi uMinnie ethe uzozithathela izinyathelo zomthetho.
Bathe bazomeseka uMinnie enkantolo futhi baqhubeke nokulwela amalungelo abesifazane nezingane.
Owe-Podcaster uMacG akasabhekene nesikhalazo samalungelo abantu ngemuva kokuthi amaqembu enqume ukuhlehla.
Amaqembu amabili, iSomandla Clothing kanye neNduduzo Memela Foundation, abike uMacG kuKhomishana Yamalungelo Abantu yaseNingizimu Afrika. Baphatheke kabi ngezinkulumo azisho ngesihlabani sikamabonakude uMinnie Dlamini, abantu abaningi ababona sengathi ziwukudelela nokungahloniphi.
La maqembu womabili ngokuhamba kwesikhathi ajoyinwa elinye iqembu elibizwa nge-Bipartite Alliance, nalo elikhombise ukumeseka uMinnie.
Kodwa manje womathathu amaqembu ahlehlile.
Lokho kungenxa yokuthi uMinnie uthe uzoyisa uMacG enkantolo yena. Amaqembu athe azomvumela ukuthi athathe izintambo futhi azomeseka ngenqubo yezomthetho.
Esitatimendeni esihlanganyelwe, iSomandla Clothing kanye neNduduzo Memela Foundation bathe: “Sibonga uMinnie Dlamini ngokubona imizamo yethu yokummela, kusukela manje kuya phambili siyasihoxisa isikhalo sethu ngoMacG ku-SAHRC.”
Yize belisusile icala, lezi zinhlangano zithe zisazoqhubeka nokulwela amalungelo abesifazane nezingane ngezinye izindlela.
UMinnie akakavezi eminye imininingwane mayelana necala lakhe lasenkantolo okwamanje.
Esithombeni esingenhla: UMacG.
Umthombo wesithombe: @macgunleashed