Lubhalwe nguRazeen Gutta
Ikomiti lokuziphatha le-Fifa limise umqeqeshi wase-Congo kanti uMengameli we-Cameroon Sports Federation naye ubhekene nophenyo mayelana nento esiphenduke isihlava kwezemidlalo e-Afrika ezinyangeni ezimbalwa.
UJonathan Bukabakwa ongumqeqeshi webhola obesebenza emaqenjini ase-Lipopo nase-Malebo e-Democratic Republic of Congo umiswe okwesikhashana kuzo zonke izinto ezithinta ibhola ezinyangeni ezinhlanu ezizayo.
Lezi zindaba ziza ngemuva kokuthi ikomiti lokuziphatha le-Fifa livule ukuqulwa kwamacala ngomhlaka-22 kuNdasa. UBukabakwa ungomunye wabaqeqeshi abambalwa okumele baphenywe ngenxa yezinsolo zokunukubeza izingane ngokocansi.
Leli cala alilodwa njengoba kunezigameko eziningi ezifana nalezi ezenzeka ebholeni.
UMengameli we-Gabon Football Federation, uPierre-Alain Mounguengui uchithe izinyanga eziyisithupha esitokisini futhi uye wathweswa icala lokwehluleka “ukubika amacala okuhlukunyezwa kwezingane”.
Ngaphandle kwasebholeni amacala ayaqhubeka nokukhula njengoba uMengameli weKomiti labakhubazekile e-Cameroon uHerve Guy Ngoyo Ngong naye ephenywa ngecala lokudlwengula.
UNgong uzomiswa emsebenzini kuze kuphothulwe uphenyo, ngokusho kwe-BBC Sport Africa.
Esithombeni esingenhla: Ilogo ye-Fifa
Umthombo wesithombe: @fifacom