Dylan Bettencourt
URobinho owayengumdlali webhola wase-Brazil ugwetshwe iminyaka eyisishiyagalolunye ebhadla ejele ngokubandakanyeka esigamekweni sokudlwengula owesifazane wase-Albania ngo-2013.
Esinqumweni sangoLwesithathu, iNkantolo Ephakeme yase-Italy ikhiphe isinqumo sokuthi lowo owayengumdlali we-AC Milan akavunyelwe ukuphikisa isinqumo.
URobinho utholwe enecala kanye namanye amadoda amahlanu ase-Brazil ngokushaya lo wesifazane endaweni yobumnandi e-Italy eminyakeni eyishumi edlule. Ngo-2020 icala laqinisekiswa futhi laqulwa enkantolo yokudlulisa amacala.
URobinho oneminyaka engu-37, ogama lakhe eliphelele nguRobson de Souza, ubejabulela umsebenzi oncomekayo, ngesikhathi edlalela i-Real Madrid ne-Manchester City ngaphambi kokubuyela eqenjini lakhe iSantos lase-Brazil ngo-2020.
Kodwa-ke, leso sivumelwano asizange sizinze isikhathi eside njengoba abaxhasi bamaqembu besabisa ngokuthi bazozinqamula izivumelwano zabo uma besayinisa uRobinho olahlwe icala lokudlwengula.
Lo mdlali wasesiswini ube esememezela ukuthi useyayeka ebholeni ukuze agxile ezindabeni zakhe eziqhubekayo zomthetho.
Kulindeleke ukuthi uRobinho, ohlala e-Brazil athole incwadi egunyaza ukuthi abuyiselwe e-Italy kodwa i-Brazil inomlando wokungazijezisi izakhamizi zayo.
Kodwa-ke i-Italy ingacela ukuthi ayodonsa isigwebo sakhe ezweni lakubo.
URobinho wadlalela i-Brazil izikhathi ezingu 100 futhi waveza ikhono lakhe elihle ngesikhathi edlalela i-Real Madrid, lapho awina khona izicoco ezimbili ze-La Liga kumasizini amane nje kuphela.
Wajoyina i-Manchester City ngo-2008 ngemali eqopha umlando yaseBrithani ngaleso sikhathi engu-£32.5 million kodwa wehluleka ukwenza kahle kwi-English Premier League ngaphambi kokuthi aphinde abolekiswe kwi-Santos ngo-2010.
Umthombo wesithombe: @Sporf
.
