Dylan Bettencourt
UMohamed Salah we-Liverpool ngeke adlalele i-Egypt emidlalweni ezayo yokuhlungela iNdebe yoMhlaba uma i-Egypt idlala ne-Angola ne-Gabon ngesonto elizayo.
Inhlangano yebhola lezinyawo e-Egypt (i-EFA) ithe umdlali wabo ngeke akwazi ukujoyina leli qembu ngenxa yokuthi iqembu lakhe elimvimbele ukuthi ahambe ngenxa yemithetho yokuzihlukanisa nabantu.
Ukube uSalah ubezodlala kweyokuhlunga, bekuzodingeka ukuthi ahlaliswe yedwa izinsuku eziyishumi uma ebuyela eNgilandi.
“Usoseshini waziswe yi-Liverpool ukuthi uSalah angeke ajoyine iqembu lesizwe emidlalweni yabo ne-Angola e-Cairo kanye ne-Gabon e-Franceville njengengxenye yemidlalo yokuhlungela iNdebe yoMhlaba,” kusho isitatimende se-EFA.
Abadlali abathathu base-Brazil uRoberto Firmino, u-Alisson noFabinho nabo batshelwe ukuthi abakwazi ukubamba iqhaza emidlalweni ezayo yesizwe sabo njengoba i-Brazil, kanye ne-Egypt besohlwini olubomvu lukahulumeni wase-UK mayelana nokuhamba.
Inhlangano eyengamele ibhola e-Egypt inxuse i-FIFA ukuthi ivumele bonke abadlali bamazwe ukuthi bavunyelwe ezweni labo lapho abadlala khona ibhola lasekhaya ngaphandle kwesidingo sokuzihlukanisa.
Ukungabi nomdlali waphambili oneminyaka engama-29 ngasohlangothini lwabo kuzowaphazamisa kakhulu amathuba e-Egypt okunqoba imidlalo yayo. Emidlalweni engama-70 kuphela ye-Pharaos, uSalah useshaye amagoli angama-45, okumenza abe ngumshayi magoli ovelele.
Umthombo wesithombe: @ThisIsAnfield