Lubhalwe nguDylan Bettencourt
- UBayanda Walaza owine indondo yesiliva kuma-Olympics usebhalisele ukufunda eTshwane University of Technology.
- Lesi sihlabani somgijimi saseKatlehong siqophe umlando wokuba ngumdlali osemncane eqenjini laseNingizimu Afrika le-relay owahlomula indondo kuma-Olympics e-Paris ngonyaka odlule.
UBayanda Walaza ogijimayo ugijimela umgomo omusha – ethola iziqu zakhe eTshwane University of Technology (TUT).
Lo mgijimi osemusha waseKatlehong, owawina isiliva kuma-Olympics neqembu laseNingizimu Afrika e-Paris ngonyaka odlule, usejoyine i-TUT ukuze enze izifundo ze-Supply Chain Management.
UWalaza uqophe umlando ngo-2024 ngesikhathi eba ngosemncane kunabo bonke owathola indondo kuma-Olympics esafunda isikole. Kamuva wawina izindondo ezimbili zegolide ku-World Under-20 Championships ePeru.
Le ndoda esheshayo yase-Gauteng ikhethe i-TUT, nakuba amanyuvesi akwamanye amazwe abeyifuna.
“I-TUT akuyona nje inyuvesi, iwumphakathi wompetha. Kuyangijabulisa ukuba yingxenye yendawo eqhakambisa ukubaluleka kwezemfundo nokusubatha. Ngizimisele ukwenza kahle kakhulu kukona kokubili,” uWalaza etshela i-TUT.
Lo msubathi ongumpetha wenze kahle kumatikuletsheni esikoleni samabanga aphezulu eCurro Hazeldean, ephase ngamalengiso olwimini lwesiZulu.
IPhini likaShansela we-TUT usolwazi Tinyiko Maluleke wamukele isihlabani sama-Olympic enyuvesi eyaziwa nge-“Home of Champions”.
“I-TUT isimi ngomumo ukusiza lo msubathi waseNingizimu Afrika ongahlulwa yilutho ukuthi afeze amaphupho akhe aphezulu kwezemfundo,” kusho uMaluleke.
Osesithombeni ngenhla: UBayanda Walaza.
Umthombo: Ifayela