Dylan Bettencourt
I-San Francisco, eMelika inezindawo eziningi ezikhangayo eziheha izivakashi – kodwa imigqomo kadoti ibangela ukunuka okukhulu.
Idolobha line-Golden Gate Bridge kanye nezimoto zamakhebula ezidumile ezihamba emigwaqeni kodwa ukunuka kwemigqomo kadoti kubangela inkinga enkulu.
Imigqomo kadoti edolobheni ikhandwe kahle futhi ikhanga kakhulu njengoba idolobha lizama ukwakha imigqomo engcono kakhulu emhlabeni.
Idolobha lithi imigqomo kadoti ekhona ayisakulungele ukusetshenziswa. Izikhulu zedolobha zibeke ama-prototypes amathathu edolobheni futhi zicele abantu ukuthi baye ukuyobona imigqomo bese bebanikeza impendulo.
Ekupheleni konyaka izikhulu zizohlaziya impendulo bese ziyanquma ukuthi imigqomo ekhona manje ingashintshwa noma cha njengoba kune migqomo engu-3,000 esanda kwenziwa.
Empikiswaneni esobala, idolobha kudala lilwa nenkinga yabangenawo amakhaya kanye nokusetshenziswa kwezidakamizwa kanti izakhamizi zithi imali ingase isetshenziselwe eminye imisebenzi.
Ama-prototypes abiza phakathi kuka-R184,000 no-R300,000 ngalinye. Ngayinye lihlukile futhi awukho umehluko wesici sangempela – zonke ziqoqa udoti.
Impendulo evela kubavakashi ibingathembisi kakhulu kuze kube manje njengoba uBarbara Jones ethe “lo mgqomo mubi, futhi ubukeka njenge-space capsule,” ngokusho kwe-The Times.
Esinye isivakashi uNikolai Sheikman uthe umgqomo kadoti muhle kodwa uthe abaholi endaweni kufanele bagxile ezintweni ezibucayi kakhulu.
Umthombo wesithombe: @SanFranciscoYIMBY
.
