Lungani Zungu
Le paki elihlonishwa umhlaba wonke eThekwini i-Ushaka Marine World, ibukeka iyinhle ngaphandle, kodwa kunuka iphunga elibi ngaphakathi.
Sekuphele amasonto ungathathwa udoti ovela epaki, okuholele ekutheni kunuke iphunga elibi kakhulu elivela emigqonyeni egcwele phama ukudla okubolile.
Umthombo osebenza e-Ushaka utshele i-Scrolla.Africa ukuthi lokhu kungenxa yengxabano eqhubekayo yethenda yokuqoqa udoti.
Udoti uyaqhubeka unqwabelana phezulu futhi ubolile, njengoba abaphathi bepaki kusazofanele baqoke usonkontileka ozohlanza indawo.
“Asikwazi ukuphila kanjena. Kufanele kube nesixazululo kule nkinga. Izindawo zokudlela ziyasokola njengoba abantu beya kwezinye izindawo,” kusho umsebenzi.
Le paki ibilokhu iheha izinkumbi zabantu abavakashela kuleli nakwamanye amazwe selokhu yasungulwa ngowezi-2004 yabiza izigidi ezingama-R750.
Abathanda ukuvakasha bebejwayele ukuhamba besuka ezindaweni ezikude ukuze bezobona ukuqoqwa kwezilwane eziphilayo zasolwandle okufaka phakathi amahlengethwa noshaka.
Abanikazi bezindawo zokudlela abaningana manje bakuqinisekisile ukuthi inkinga yokungaqoqwa kukadoti ivimbela izivakashi ukuza epaki.
“Amabhizinisi ethu ayahlupheka lapha. Siyizisulu zezinto esingezona ingxenye yazo,” kusho omunye umnikazi wendawo yokudlela ongathandanga ukudalulwa igama.
I-Scrolla.Africa ivakashele ipaki, yathola ukuthi imigqomo yayo ibigcwele ukudla okubolile.
UShaka marine lunezigaba eziyisishiyagalombili: uShaka Sea World, uShaka Wet ‘n Wild, uShaka Sea Animal Encounters Island, uShaka Beach, uShaka Village Walk, uShaka Kids World, uShaka Dangerous Creatures kanye ne-Chimp & Zee.
“Bengilapha ngesonto eledlule, ngafica leli phunga. Ngiphinde ngabuya kuleli sonto, namanje lisekhona,” kusho u-Allan Smith obevakashele ipaki.
“Angikwazi ukumela lokhu.”
UShaka lunikele ngaphezu kwezigigidi ezi-R2 kwi-GDP yesifundazwe selokhu yasungulwa.
Kodwa eminyakeni yamuva nje, kube nzima ukuyigcina yenza imali.
Le paki yathola uxhaso lwezigidi eziyi-R160 kuMasipala weTheku ukuyisindisa ekuweni kwayo.
IMeya uMxolisi Kaunda uthe uShaka lubhekene nezinselelo ezibucayi zezezimali ngisho nangaphambi kokuba kube khona ubhubhane lokhuvuthe.
UNaven Naidoo umphathi we-UShaka, udlulisele yonke imibuzo ethimbeni lezokuxhumana.
I-Scrolla.Africa ithumele imibuzo kodwa yangayithola impendulo.
ITheku nalo alizange liyiphendule imibuzo ebithunyelwe etafuleni lalo lezokuxhumana.