Inkantolo ichithe idokodo elithinta uKelly

Dylan Bettencourt

I-National Prosecuting Authority ithole ukuthi idokodo lesibili elisola uKelly Khumalo ngokubulala uSenzo Meyiwa ngo-2014 alinawo umbandela.

Incwadi esayinwe nguMqondisi wezokuShushiswa koMphakathi u-Andrew Chauke ethunyelwe eNkantolo eNkulu yaseGoli ngoMsombuluko ithi uzosigodla isiphakamiso sokuthi kuboshwe wonke umuntu owayesendlini ngesikhathi kushona uMeyiwa, okuhlanganisa noKhumalo.

“Leli hhovisi alizange lenze sinqumo noma okuthile mayelana nedokodo lecala,” kubhala uChauke, ekhuluma ngedokodo lesibili elisola uKelly Khumalo nabanye ngokubandakanyeka ecaleni lokubulala.

“Amaphepha okukhulunywa ngawo awanawo amandla, njengoba lokho bekuwumbono wangaphakathi wommeli wombuso obungenasisekelo.”

Ngesonto eledlule u-Advocate Zandile Mshololo ucele ukuthi ukuqulwa kwecala kuhlehliswe ngemuva kokudalulwa kwedokodo lesibili ebelingakaze lidalulwe enkantolo kusukela ngo-2019.

Idokodo lesibili beliyisiphakamiso sombuso sokuthi kube nedlanzana labantu abathweswe amacala okubulala kanye nokwephula umthetho.

UKelly Khumalo, indodana kaSello “Chicco” Twala, uLongwe Twala, unina kaKelly uGladness Khumalo, udadewabo kaKelly uZandie Khumalo, umngani kaSenzo uTumelo Madlala, uMthokozisi Thwala kanye noMaggie Phiri bonke basohlwini.

Ngesikhathi ukuqulwa kwecala kuqhubeka ngemuva kwekhefu lesidlo sasemini, u-Advocate George Baloyi, umshushisi kuleli cala, uthe ummeli unqume ukuthi lihlehliselwe umhla zinhlanu kuMandulo noma umhla zizine kuLwezi.

Ummeli omele abasolwa abane ecaleni, u-Advocate Malesela Teffo, uthe isinqumo sokuhlehlisa ukuqulwa kwecala ” asinabulungiswa”.

UTeffo, obephikisana nokuhlehliswa kokuqulwa kwecala ngesikhathi kuqhubeka le nqubo ekuseni, uthe izwi lakhe alizwakali, uthe uma icala lihlehla uzofaka isicelo sokubuyekeza mayelana nokuvunywa kokuhlehliswa kwecala.

Lo mmeli wengeze ngokuthi amakhasimende akhe amane “aboshwe ngokungemthetho” ngamaphoyisa.

“Ukwephulwa kwamalungelo abo [kuyaqhubeka]. Ukuboshwa okunjalo ngaphandle kokuqulwa kwecala, okwenza kube kubi kakhulu ukuthi basenkantolo [ngaphandle kokugunyazwa],” kusho uTeffo.

IJaji uTshifhiwa Maumela uthe ummeli womsolwa wesihlanu, uMshololo akalitholanga idokodo “ngesikhathi esifanele” ngakho ube esenquma ukuthi kuhlehliswe ukuqulwa kwecala ngoba bebezokwenza ngendlela ehlukile ukube baziswe ngaleli dokodo kusane sikhathi.

Ukuqulwa kwecala kuzoqhubeka ngoLwesibili ngomhlaka-14 kuNhlangulana.

Izihloko zakamuva