Lubhalwe nguRazeen Gutta
Ukubuya kukaDavid Warner e-Hyderabad ukuzobhekana neqembu lakhe langaphambilini, i-Sunrisers kube impumelelo njengoba i-Delhi Capitals ithola ukunqoba kwayo okwesibili kulandelana.
I-Delhi ikhethe ukushaya kuqala, kodwa yahlulwa uWashington Sundar (23) othathe amaphuzu angu-3/28 ukwehlisa i-Capitals ku-144/9 kuma-overs angu-20.
Amasosha e-Delhi abuye ngendlela emangalisayo, u-Ainrich Nortje kanye no-Axar Patel bathole amawikhethi amabili umuntu ngamunye okwenze umdlalo wamude.
UMukesh Kumar ubhekane ngempumelelo nengcindezi kwi-over yokugcina ukusiza ama-Capitals ukuthi anqobe ngama-runs ayisikhombisa.
UWarner uzozizwa sengathi iqembu lakhe seliluleme ngemuva kokuhlulwa amahlandla amahlanu emidlalweni emihlanu yokuqala, nokunqoba okubili okuza ngaphambi komdlalo wesibili olandelanayo ne-Sunrisers ngoMgqibelo.
Kuzoba ukunqoba okubili kwama-runs ayisikhombisa ezinsukwini ezimbili zomdlalo we-IPL ngemuva kokuthi i-Royal Challengers Bangalore ithole umphumela ofanayo bedlala ne-Rajasthan Royals emdlalweni obumnandi wangeSonto e-Chinnaswamy.
Bekuwusuku oluhle lwaminyaka yonke e-Bangalore futhi impi yesicoco ihambe ngendlela kaFaf du Plessis kanye ne-RCB.
Lo kaputeni wama-Proteas uthole u-62 ku-39 wahola iqembu lakhe kumaphuzu angu-189/9 kwi-innings yokuqala ngaphambi kokuthi asebenzise umthetho wokuthatha indawo yomdlali wahlala ngaphandle kuma-innings esibili kulandela ukulimala enkundleni ngesonto eledlule.
UVirat Kohli uhole iqembu esiwombeni sesibili njengoba uHarshal Patel noMohammed Siraj beqinisekisa ukuzivikela okuyimpumelelo ngebhola.
Ngaphandle kwe-Gujarat ne-Mumbai ezobhekana ngoLwesibili, wonke amanye amaqembu manje asedlale imidlalo yawo eyisikhombisa kwengu-14 esigabeni seligi.
Itafula lilingana kahle ne-Chennai esesicongweni ngamaphuzu ayishumi kanti amanye amaqembu amahlanu awahlukaniseki njengoba iqembu lilinye linamaphuzu ayisishiyagalombili.
Ompetha abavikelayo be-Gujarat bazothola ithuba lokujoyina i-Chennai esicongweni ngokunqoba i-Mumbai kanti abafana bakaRohit Sharma bazofinyelela kumaphuzu ayisishiyagalombili uma bedlula kulayini.
Isithombe esingenhla: I-Delhi Capitals
Umthombo wesithombe: @IPLT20