Injabulo edlala umdlalo wakhe wokuqala

Nkhensani Mthombeni

Iqembu lesizwe lama-Springbok Women’s Sevens lino mdlalo wama-Commonwealth okumele liwukhohlwe njengoba liphume endaweni yesikhombisa emaqenjini ayisishiyagalombili e-England.

Nokho umdlali uZandile Masuku akazange adikibale uthe ukumela iqembu kulo mqhudelwano bekuyiphupho lakhe.

UMasuku ubebizwe okuqala ukudlalela elakuleli emdlalweni wamazwe ngamazwe kanti emdlalweni wabo wokugcina kule midlalo bashaye i-Sri Lanka ngo 52-0 bashaya ama-try amabili.

Lo mdlali oneminyaka engu-23 ubudala wase-Tzaneen, e-Limpopo ufakwe eqenjini elizomela izwe ku-World Rugby Sevens Challenge Series e-Chile kusukela ngomhlaka-12 kuya kumhlaka-14 kuNcwaba. Le midlalo ike yama unyaka  ngenxa yobhubhano lwe-Covid-19.

Bafakwe ku-Group D okukhona kuwo i-China, i-Chile ne-Kenya. Iqembu lizobe libheke ukuthuthukisa indlela elidlale ngayo futhi lisebenzise elikufunde e-England.

Emdlalweni yama-Commonwealth bebengakwazi ukudlala ngokulingana ngesikhathi bedlala ne-New Zealand, i-Fijiana ne-Australia egcine ingompetha emidlalweni yama-pool.

E-Chile baqhathwe ne-China, kanti i-Chile iqhathwe ne-Kenya.

“Ngiyohlezu ngilibonga leli thuba kuze kube phakade. Lo kube umqhudelwano  ongenze ngaziwa futhi ngiyazi ukuthi kumele ngisebenze kanzima kangakanani ukuze ngithuthuke,” kusho lo mdlali. 

Uthe ukushaya ama-try kumfundise ukuthi abadlali beqembu babaluleke kangakanani kuyena ukuba nezikhathi ezinjengalezi.

“Umqhudelwano ube ithuba elihle lokufunda eqenjini lethu elincane. Sidlale namaqembu amathathu aphezulu kwisekethe ye-Seven yomhlaba futhi bekunzima. Kodwa bekukulungiselela kahle umqhudelwano wase-Chile kanye neNdebe yoMhlaba ngasekupheleni konyaka. eKapa.”

Lona kube unyaka omuhle kuMasuku osayine inkontileka neqembu lase-Spain, i-Gaztedi Rugby Taldea.

Utshele i-Scrolla.Africa ukuthi umndeni wakhe kanye nomqeqeshi wakhe u-Aschin Klein we-Titans Women’s Rugby Academy babe nomthelela omkhulu emsebenzini wakhe.

Ubekhuthaza noma ubani onephupho. “Qhubeka uphushe kungakhathaliseki ukuthi iziphi izithiyo ohlangabezana nazo, qhubeka uphushe!”

Izihloko zakamuva