Sizwe Sibiya
Umsakazi u-Anele Mdoda ubukeka ephila impilo emnandi kakhulu e-New York City nendodana yakhe (6) u-Alakhe.
Lo saziwayo (37) wase-Mthatha usabalalise izithombe zendodana yakhe ihleli ohlelweni lwe-Daily Show Studios ngosuku uBurna Boy ayefike ngalo engxoxweni abenayo nomsakazi uTrevor Noah.
“UBurna Boy uyisivakashi kwi-The Daily Show namuhla ebusuku kanti u-Alakhe ubesemcimbini wokwamukela abantu. Kube ingxoxo enhle kakhulu. UBurna Boy ubenesikhalo ngoTrevor futhi ubengenaphutha shem,” kubhala u-Anele embhalweni ohambisana nesithombe sika-Alakhe ephakanyiswe nguNoah.
UMdoda, ongumsakazi odumile emsakazweni i-947, ungumngani omkhulu wabo bobabili umsakazi wohlelo uNoah kanye nomculi we-Afrobeat wase-Nigeria, uBurna Boy.
Esinye isithombe esihle sikhombise u-Alakhe efudumeza isihlalo sikaNoah ngesikhathi umsakazi we-Daily Show ezulazula ngemuva kwakhe.
Ngomhlaka-14 kuMbasa, u-Anele Mdoda umemezele ukuthi uzophuma emsakazweni izinyanga ezimbili ukuze ahambele umhlaba futhi ahambele izifundo ze-masters emazweni ahlukene.
Amakilasi e-Future-Fit master azohlomulisa lo msakazo, ngokwesitatimende esikhishwe i-947.
“UThando Thabethe uzomela u-Anele, enoFrankie, uThembekile kanye noCindy, ngesikhathi uZweli ethatha i-Afternoon Drive kuthi u-Anathi Seyisi osanda kungena athathe i-Nights kwi-947,” kufundeka isitatimende.
Khonamanjalo, kulindeleke ukuthi u-Anele abuyele kwi-Club Breakfast Show mhla zizinye kuNtulikazi kulo nyaka.