Arthur Greene
I-Pravda Brewery e-Ukraine ijoyine impi ngokumisa ukukhiqizwa kukabhiya ukuze iqale ukwenza ama-Molotov cocktail.
Ama-Molotov cocktail awuhlobo lwebhomu lesikhashana elenziwe ngokugcwalisa ibhodlela lengilazi eliphukayo ngophethiloli elingaphonswa ezimotweni zamasosha.
Umkhiqizo we-Pravda Brewery unelebula efundeka kanje “Putin huilo”, okuqonde okuthile ngoPutin”.
“Njengamanje, akekho ophuza ubhiya omningi ngenxa yempi ngakho-ke sinqume ukusebenzisa amabhodlela ukwenza ama-Molotovs,” kusho uJuri Zastavniy, umphathi wenkampani ekhiqiza utshwala.
I-Pravda Brewery ibilokhu inepolitiki. Yasungulwa ngonyaka ka-2014 ukuze ibhikishe ngokumelene ne-Russia Annexation of Crimea. Iningi labasebenzi bayo abangu-25 banesipiliyoni sokwenza ama-Molotov Cocktails emibhikishweni enodlame yangaleso sikhathi.
Lesi sinyathelo ngokungangabazeki sizogunyazwa nguhulumeni wase-Ukraine njengoba uMkhandlu Kazwelonke Wezokuphepha Nezokuvikela uthumele umyalezo kwi-Twitter ngoMgqibelo enemininingwane yokwenza i-Molotov Cocktail.
“Ngenkathi ozakwethu belayisha izindiza nezimoto nezikhali eziya e-Ukraine thina silungiselela isipho sethu esididiyelwe yithi esisiphathele i-Russia. Sihlomile futhi silungiselela ukubacekela phansi!” ngokubhalwe kwi-Tweet.
Umthombo wesithombe: @GicAriana