Imvula isize ama-Proteas ukuthi angene kuma-Semis

Dylan Bettencourt

Ukungena kuma-semi-final eNdebe Yomhlaba yabesifazane bekuhlezi kuyinto efiswa ama-Proteas ngaphambi komdlalo wabo ne-West Indies ngoLwesine.

Futhi bakwazile ukufinyelela kulokho  ngesikhathi umdlalo uhoxiswa ngenxa yemvula enamandla. Womabili amaqembu athole iphuzu elilodwa ngalinye, lokho kunikeze ama-Proteas indawo kuma-semi final.

Umdlalo wehliswe waba ama-overs angu-26 ngenxa yemvula, kodwa iNingizimu Afrika ikwazile ukudlula ngama-Over angu-10.5 ngaphambi kokuthi unompempe awuvale umdlalo ngemuva kokuqala kwemvula enamandla.

Ama-Proteas abengekho esimeni esihle ngaphambi kokuthi umdlalo uphele, azithole eku-61/4 ngemuva kokuqala kabi.

Ukunikwa iphuzu ngeqembu ngalinye kuqinisekise ama-Proteas indawo kowamanqamu yesine ngesikhathi egwema umdlalo owandulela owamanqamu bedlala ne-Australia.

INingizimu Afrika izobhekana ne-West Indies, i-India, i-England noma i-New Zealand kowandulela owamanqamu.

Ukaputeni uSune Luus uthe inhloso yeqembu bekuwukudlala kowamanqamu.

“Sijabule kakhulu ngokungena kulo mdlalo wamanqamu. Kube iphupho kuthina isikhathi eside, kodwa sisadinga ukudlula kowandulela kowamanqamu,” kusho uSune.

I-Australia iyona okufanele iphakamise indebe ngemuva kokuhlula ama-Proteas ngokunethezeka ngoLwesibili. Kodwa ukuphoswa kwebhola  lokuqala kowamanqamu kumqhudelwano omkhulu kwenza iemiphumela edlule iphume ngefasitela.

Manje sekumayelana neqembu eliqinile, emoyeni nangokomzimba, futhi ukuphuthelwa ukubhekana ne-Australia kunikeza ama-Proteas ithuba lokuziphindiselela kowamanqamu.

Ama-Proteas asenomdlalo owodwa wamaqoqo, njengoba ezobhekana ne-India ngeSonto.

Imidlalo emibili eyandulela owamanqamu izodlalwa ekupheleni kukaNdasa, owokuqala uzoba ngomhlaka-30 kuNdasa kanye nowesibili ube ngomhlaka-31 kuNdasa. Owamanqamu uzoba ngomhlaka-3 kuMbasa.

Umthombo wesithombe: @DailyMaverick

Izihloko zakamuva