Impukane iwine kwinkulumo mpikiswano

Impukane ehlale phezu kwekhanda lephini likaMengameli waseMelika uMike Pence phambi kwezigidi zabantu ngoLwesithathu ibe undaba mlonyeni.

UPence ubekwinkulumo mpikiswano noKalama Harris, iphini likaMengameli we-Democratic Party uJoe Biden.

UPence ubezama ukwenza kancono kunesikhulu sakhe uDonald Trump yena inkulumo mpikiswano yakhe ebengeviki eledlule echazwe njengehlekisa

Izinsuku ngemuva kwalokho uTrump wahlolwa watholakala ukuthi une-Covid-19.

Kodwa impukane ivele yama endleleni kaPence.

Imizuzwana nje izinkundla zokuxhumana bese zikhuluma ngakho kanye ne-Twitter handle entsha efana nokuthi @MikePencesFly ibihamba phambili odabeni losuku 

“Impukane emnyama ibalulekile,” omunye obhale ku-Twitter usho njalo.

Umhlaziyi wezepolitiki uSteve Schmidt uthe impukane ibewuphawu lwesono kanye “nophawu likasathane.”

Umkhankaso kaBiden usuqalile kuyimanje ukuthumela izinto zokubulala izinambuzane ezibhalwe igama likaBiden noma likaHarris.