Lubhalwe ngu-Anita Dangazele
- Imililo emikhulu isavutha e-Kouga, nomonakalo oqinisekisiwe ezindlini eziseMfuleni i-Kromme naseSmith Town, kuyilapho izindiza ezinophephela emhlane zisebenza phezulu.
- Iziphathimandla zithi akukho kuphuma ezindlini okudingekayo futhi yonke imigwaqo ivuliwe, kodwa ukunqanyulwa kukagesi kubhekwe ngeso elibukhali ngenxa yezingozi ezingaba khona zokuphakelwa kwamanzi.
Umlilo wequbula oqubuke kuMasipala waseKouga usuphoqe imindeni ukuthi ibaleke ezindlini zayo njengoba izicishamlilo zizama ukucisha umlilo obubhebhetheka esifundeni.
Umoya onamandla usize ukungabhebhethwki komlilo l eduze kwase-Hankey, Oyster Bay kanye nendawo yomfula i-Kromme.
NgoLwesine, umasipala uyalele ukuthi kukhishwe ngokushesha abantu abahlala ngasemgwaqweni u-R330 ngaseHankey kanye namapulazi ezinkukhu aseduze.
Imindeni emapulazini aseduze no-Oyster Bay Road naseduze komfula i-Kromme River kanye ne-Riverside nayo ikhishiwe.
Izikhulu ngokuhamba kwesikhathi ziqinisekisile ukuthi umlilo ugxume wawela ku-R330. U-N2 ophakathi kweHumansdorp neJeffreys Bay uvalwe isikhashana, isiminyaminya sezimoto singenele ku-R102. Yonke imigwaqo isivulwe kabusha.
Izicishamlilo zisebenze ubusuku bonke zizama ukunqanda lo mlilo.
NgoLwesihlanu ekuseni, umasipala uthe yomithathu imililo emikhulu isavutha.
Kucekeleke phansi amakhaya nezinye izindawo endaweni yaseKromme River naseSmith Town.
Iqembu elisiza abantu iGift of the Givers liyasiza ngemuva kokucelwa umasipala ukuthi lisize.
Leli qembu lisebenzisana nabezicishamlilo, abalimi, uphiko lwamaphoyisa aseNingizimu Afrika kanye nezinhlaka zomphakathi.
Indiza enophephela emhlane manje isihamba emoyeni, inikeza usizo olubalulekile endaweni enkulu yoMfula i-Kromme.
IMeya yaseKouga uHattingh Bornman ithe izindiza ezinophephela emhlane ezintathu zithunyelwe ngoLwesihlanu ukuqinisa ukusebenza.
I-Gift of the Givers iphinde yathumela imoto yethangi lamanzi esuka e-Adelaide iya e-Kouga futhi uhambisa amanzi emiphakathini yase-Zoar, iLadismith, iKnysna nasePlettenberg Bay.
Amaqembu ahlinzeka izicishamlilo ngokudla neziphuzo, uphethiloli wamaphampu amanzi kanye nokwesekwa kwabaphumayo ezindaweni zokukhosela.
Ukuphazamiseka kukagesi sekudale ukukhathazeka mayelana nokuhlinzekwa kwamanzi eSt Francis Bay. Umasipala uthe isimo siqashwe ngeso lokhozi kanti nokuhlinzekwa kwamanzi kusazinzile.
Izikhulu zithi asikho isidingo sokuthi kuphinde kukhishwe abantu kulesi sigaba.
Esithombeni esingenhla: Izicishamlilo zilwa namalangabi kuMasipala waseKouga.
Umthombo wesithombe: IKouga Municipality