Ikhansela le-IFP elizame ukushaya uNdunankulu waseKZN laxoshelwa ukukhwabanisa nenkohlakalo eminyakeni emithathu edlule

BREAKING: Police had to be called in to intervene during the council inauguration at the uMkhanyakude District Municipality when councilors disrupted KZN Premier Sihle Zikalala when he was adressing the sitting.#RealNewsForMobile #Zikalala pic.twitter.com/BsAGHbbOiE

— Scrolla Africa (@ScrollaAfrica) November 29, 2021

Celani Sikhakhane

Ikhansela le-IFP elizame ukushaya uNdunankulu waseKZN, uMnu Sihle Zikalala, lingumqondisi omisiwe kuMasipala waseMtubatuba, futhi i-Scroll.Africa singakuveza lokho.

UKiller Mkhwanazi wamiswa eminyakeni emithathu edlule esikhundleni sakhe ngemuva kokusolwa ngokukhwabanisa nenkohlakalo.

Ngemuva kokhetho lomasipala lwangenyanga edlule, ube esebuya njengekhansela.

NgoMsombuluko ubehola umbhikisho wamakhansela e-IFP abephikisana nenkulumo kaZikalala ngesikhathi kuvulwa umkhandlu.

Uthuke uZikalala wazama ukumshaya ngaphambi kokuthi avinjwe amaphoyisa akwa-SAPS.

Abanye osopolitiki bacasulwe isenzo sikaMkhwanazi njengoba elinye ilungu le-ANC liphakamise ukuthi bekumele benze okufanayo kwelinye ilungu le-IFP.

“Bekungamukelekile neze ukubona uMkhwanazi ehlaza uZikalala ngendlela enze ngayo, okubuhlungu kakhulu ukuthi njengamalungu e-ANC asizange siyenze le nto kowayengumholi we-IFP, uMangosuthu Buthelezi, ngesikhathi ethula inkulumo yakhe e-Zululand. ngoLwesihlanu ngesonto eledlule,” kusho elinye ikhansela le-ANC e-Zululand elingathandanga ukudalulwa igama.

Okhulumela uhulumeni, uLennox Mabaso, uthe uZikalala ubelindele ukuthi kube nemcimbi wokwamukela abantu eMkhanyakude.

“UZikalala ungusopolitiki osemnkantshubomvu. Ngakho-ke le nto ozama ukuyiveza njengehlazo noma ukuphazamisa akuyona. UNdunankulu ubekuqonda kahle ukuthi ubeye laphayana ukuyobhekana nosopolitiki futhi ubegxile ekuqinisekiseni ukuthi umkhandlu ukwazile ukukhetha bonke abasezikhundleni,” kusho uMabaso.

UMkhwanazi akatholakalanga ukuba aphawule.