Dylan Bettencourt
UNelson Mandela wachitha impilo yakhe elwela intando yeningi futhi lelofa laqhubeka lapho ifagugu lwe-Non-fungible token (NFT) lithengiswe ngezigidi ezimbili zamarandi ukuze kuxhaswe indawo yamagugu ekhombisa uhambo lweNingizimu Afrika lwentando yeningi.
I-NFT iwuhlobo lwempahla yedijithali eyingqayizivele engathengiswa futhi idayiswe – futhi ingasukela kunoma yini kusukela emisebenzini yobuciko nezingcezu zomculo, kuya kumavidiyo nama-meme asakazwa ezinkundleni zokuxhumana.
Kulokhu, i-NFT ingumlando oveza ukuboshwa kukaMandela, owachitha iminyaka engu-27 ejele ngaphambi kokuba abe nguMengameli wokuqala omnyama waseNingizimu Afrika. Imali engenayo izoya e-Liliesleaf Museum Heritage Site.
Isigcinamagugu sinolwazi mayelana nokuboshwa kukaMandela eyanikelwa kubo ngonyaka ka-2004.
Incwadi egunyaza ukuboshwa kukaMandela idayiswe ngo-R1.9 million endalini.
Isigcinamagugu naso siphinde saqoqa u-R728,000 ngonyaka odlule ngemuva kokudayiswa kwe-NFT yesibhamu sika-Olivier Tambo.
Umthengi we-NFT uzoba nokufinyelela okukhethekile encwadini yokuboshwa eyayikhishwe amaphoyisa, kanye nokuba umnikazi wesithombe sedijithali sombhalo.
Lesi sigcinamagugu sisepulazini e-Liliesleaf, elalisetshenziswa i-ANC njengekhaya labo eliyimfihlo futhi ilapho amaphoyisa abopha khona izishoshovu ezimbalwa ngonyaka ka-1963.
Ama-NFT athole ukuthandwa okukhulu ezinyangeni ezisanda kwedlula, ngezithombe zobuciko bedijithali ezimbalwa ezithengiswa ngezigidi zamarandi.
Amathokheni avame ukusetshenziselwa ubuciko, ompetha bezemidlalo kanye nosaziwayo. Manje, i-NFT kaMandela isiqoqe isamba esikhulu semali ukuqhubeka nefa lakhe ngemuva kweminyaka eyisishiyagalolunye washona.
Umthombo wesithombe: @LosAngelesTimes
.
